STENBOL - Zîndanan de binpaykerdişê heqan dewam kenê. Avûkata tepişteya nêweşe Gulbahar Kiskaç, Zozan Vargun  dîyar kerd ke venga Wezaretê Edaletî danê la bêcewab manenê û va, rewşa Gulbahar Kiskaçe zaf krîtîk a.

 

Binpaykerdişê heqan ê zîndanan her ke şinê zêde benê û rewşa tepişteyanê nêweşan giran bena. Tepişteya nêweşe Gulbahar Kiskaçe Zîndanê Înfazê Ceza ya Tîpê Lyê Hûmara Yewin ê Sakarya de manena û 60 serrî ya. Nêweşîyê aye yê kronîk yê giran est ê û şert û mercê zîndanî, şîdetê fîzîkî û psîkolojîk tesîrêk negatîf weşîya înan ser o keno.

 

‘Her tim negatîf netîce bî’

 

Avûkate Zozan Oymake va muracatê tepişteya Roman Gulbahar Kiskaçe dosya taqîb kerda û wina va: “Gulbahar Kiskaç Roman a û serrêke û nîm o tepişte ya. Keyeyî muracat kerd. Gulbahar Kiskaçe semedê problemê kronîkî her tim qalê întîxarî kena û nêeşkena şert û mercê zîndanî de bimana. Keyeyî ma ra waştişê destekî kerd.”

 

‘Muracatî bênetîce manenê’

 

Zozan Vargun, dîyar kerd ke Gulbahar Kiskaç waştişê destekî kerda û nê dir Komeleya Romanî Godi û komeleyê rêxistinê heqî dir kewtê têkilî.  Zozan Vargun wina va: “Ma nê ser de aye zîyaret kerd. Ma waşt sewqê zîndanê Bakirkoy, Silîvrî yan zî Gebzeyî bêrê kerdiş. La cewabê negatîfî dayî. Rewşa Gulbahar Kiskaçe krîtîk a. Ma muracat kerd. Waştişê ma oyo ke rewşa aye verê çiman de bêro girewtiş.”