MÛŞ - Hemşaredara DEM Partî ya Kopê Aryan Dogan dîyar kerd ke demê qeyûman de pêro malê aydê şaredarî ameyê rotiş û projeyê tedbîrê tasarufî vernîya projeyê înan gênê û va: “Pêwa nê ma do demêk nêzdî de Merkezê Cuya Cinîyan bikerê cuye.”

 

Şaredarîya Kopî ya Mûşî weçînayîşê 31ê adare de bi dayeyê 54.26 vengî derbazê îdareyê Partîya Têduştî û Demokrasî (DEM Partî) bî. Şaredarîya ke bi serran binê îdareyê qeyûmî de bî, semedê cinî û tutan tu xebate nêkerd. Dimayê ke şaredarîya DEM Partî amî gamê muhîmî ameyî eştiş.

 

Hemşaredara Kopî Aryan Dogan derheqê projeyanê xo de qisey kerd û va, pêro keyeyê aydê şaredarî demê qeyûmî de ameyî rotiş û wina va: “Nê semedî ra zî astengîyêk pîl vernîya projeyanê ma de yê. Pêwa pêro astengîyan ma bi qerar ê ke merkezê cuye yê cinîyan bikerê cuye. Ma ganî cinî û tutan her wareyî de vejê vernî. Ma do esasê waştişê cinîyan de projeyê xo pê bîyarê."

 

‘Cinîyan waştişê wareyê xoser kerd’

 

Aryan Dogan dîyar kerd ke dimayê ameyê wezîfe ser semedê keda cinîyan bêro vînayîş xebate kerdê û wina va: “Demê qeyûman de xebatê semedê cinîyan çin bî. Ma senîn ameyî ma nê kerd rojeve. Ma pêro xebate esasê ewnîyayîşê cinîyan de kombîyayîşê kerdî de kerd cuye. Cinîyan wareyê xoserî de waştiş kerd. Ma pêvînayîşê cinîyan kerd û pêşnîyazîyê înan, fikrê înan girewt.”

 

Tedbîrê tasarufî benê asteng

 

Aryan Dogan dîyar kerd ke binê banê şaredarî de Mudûrîyê Yewîya Cinîyan awan kerdê û koordînasyonê xebatan hetê cinîyêke ra û bi hemkarîya cinîyan yeno kerdiş. Aryan Dogan wina qedêna: “Xebatê ma dewam kenê. Pêro erd, keye, gayrîmenkul yê aydê şaredarî ameyê rotiş. Demê peyîn de semedê tedbîrê tasarufî yê îstîmlakî vejîyayo, xebatê ma asteng benê.”