MERKEZÊ XEBERAN - Semedê tewrbîyayîşê rayîrşîyayîşê azadîya fîzîkî ya Rayberê Şarê Kurdî Abdullah Ocalanî ke do siba bajarê Qamişloyî bêro organîzekerdiş, vengdayîş ame kerdiş.

 

Înîsiyatîfê Şarî yê Bajarê Qamişlo û Înîsiyatîfê Azadîya Rayber Abdullah Ocalan ê Sûrîye awanîya Meclîsê Şarî yê Bajarê Qamişloyî bi amadebîyayîşê endamê her di înîsiyatîfan eşkerayîyêke dayî.

 

Eşkerayî bi ziwanê erebkî hetê Endamê Înîsîyatîfê Azadîya Rayber Abdullah Ocalanî yê Sûriye Silêman Ehmed û kurmancî zî hetê Endama Înîsiyatîfa Şarî ya Bajarê Qamişlo û Hemsereka Meclîsê Şarî ya Bajarê Qamişlo Hêvî Ehmed ra ame wendiş.

 

Eşkerayî de ame dîyarkerdiş ke semedê azadîya fîzîkî ya Abdullah Ocalanî û semedo je vengê xo biresnê raya pêroyî û dinya, ê do siba (25ê hezîrane) bi waştişê “Azadî semedê Rayber Apo” rayîrşîyayîşêk girseyî bajarê Qamişlo de organîze bikerê.

 

 

Rayîrşîyayîş saete 18:00ine de cadeyê Osman Sebrî de dest pêkeno.