DÎLOK - Roniştişê dewaya Rojnamegere Deryar Ren ke bi îdayê "heqaret kerda" ci rê amebî akerdiş de bi sebebê ke unsurê qanûnî yê sûcê aye nêameyê bicaardiş, beraet kerd.

 

Roniştişê diyîn ê dewaya mûxabîra JINNEWS’î Derya Ren ke 7ê çileyî de semedê taqîbkerdişê xeberan şî qezaya Belqisî ya Dîlokî û hetê polîsan ra bi sebebê "gumanê maqûl" amîbî destbendkerdiş, ame kerdiş.

 

Avûkatê Derya Ren roniştişê Dadgeha Cezaya Asliye ya 5ine ê Nizipî de amade bî. Temsîlkarê Komeleya Rojnamegeranê Dicle Firatî (DFG) û Komeleya Cigêrayîşê Medya û Huqûqî (MLSA) zî roniştiş taqîb kerdî.

 

Roniştiş bi kontrolkerdişê nasnameyan dest pêkerd û dozgerî fikrê xo yê bingehê roniştişî yê verê ancî kerd û waşt ke Derya Ren semedê "heqaretkerdişê eşkere yê karmendek pêroyî" bêro cezakerdiş.

 

Avûkatê Derya Ren pawitişê xo yê amadekerde bi nuşteyî pêşkêşê dadgehe kerdî. Dima ra heyetê dadgehe qerarê xo eşkera kerd û qerar da ke Derya Ren bi sebebo ke unsurê qanûnî yê sûcê "heqaretkerdişê bi eşkereyî yê karmendêk pêroyî" ke aye pê yena sucdarkerdiş, nêameyê bica û qerarê beraetê Derya Rene da.