ANQARA- Serekê Meclîsî Numan Kurtulmuşî Hemserekê DEM Partî Tulay Hatîmogullari û Tuncer Bakirhan Meclîs de zîyaret kerdî. Serdayîşî ra dima verê rojnamegeran de yew eşkerayîye amî dayîş. 

 

Serekê Meclîsî Numan Kurtulmuşî Hemserekê DEM Partî Tulaye Hatîmogullari û Tuncer Bakirhan Meclîs de zîyaret kerdî.

 

Tulay Hatîmogullarî va: “Eşkerayîya ‘Aşitî û Komela Demokratîke’ ra dima proseso ke ma mîyan de derbaz benîme baro giran keweno serê mîyanê parlemento. Ma ewro nê babetan ser o muzakere kerd. Nê rojanê vêrnîya ma de serekîya Numan Kurtulmuşî de yew komîyson meclîs de yeno awankerdene.”

 

Serekê Meclîsî Numan Kurtulmuşî verê çapemenîye de eşkerayîyê de winayîne kerde: “Seba yewbîyayîşî û pîya rayraşîyayîşê lazim owo ke sitandartê demokrasî yê Tirkîya ganî avêr şêre, seba naye zî verpirsyarîya meclîsî ser ma vindetîme. Zaf şikir ke vengdayîşî Îmralî ra dima rêxistine ronayena çekan ser qerar girewt. Naye ser endî meclîs eşkeno ke na mesela ser qisey biko û gamanê demokratîkan berzo. Lazim o ke partîyê sîyasî pêro no derheq de ziwanê de nerm û nêzdîbîyayenêka viraştîye bêrê têhet. Omidê mi est o ke rojanê vêrnîya ma de binê sitara Meclîsî de qomîsyonoke yeno awankerdene kar û xebatê xo verba rindîye avêr beno. Ma hazîrîya nê qomîsyonî û ra û dirbê nê qomîsyonî ganî senîn bê ser zî kar kenîme.”