STENBOL - Polîs hêrişê girseyê ke semedê şêrê Taksîm Mecîdiyekoy û verê Camiya Şîşliyî de kom bîyî, kerd û mîyanê înan de avûkatî zî estbî dorê 200 kesî detbend bî.  

 

Xeylêk sendîka û sazgehî vengdayîşê Komîteyê Amadekarî yê 1ê Gulane ser o, bi wesîleya 1ê Gulane Roja Yewîye, Paştdayîş û Têkoşînî waştî bikewê Meydanê Taksîmî. Polîsê ke destûr nêdayî, hêrişî girseyî kerdî. 

 

Şaxa Komeleya Huqûqnasê Hemdem (ÇHD) neql kerd ke zêdeyêrî 200 kesî destbend bîyî. Mîyanê destbendkerdeyan de Hemserekê Pêroyî yê ESP’yî Mûrat Çepnî, avûkat Rojhat Tunç, Saruhan Efe Kadaîfçî, Lutfî Sabrî Bati, Arkin Hurtaş û Yunus Emre Işik zî est ê. 

 

Endamê Înşaat-Îş’î ke semedo ke rayîr ra şêrê Taksîmî ra ameyî Mecîdiyekoy la destbend bîyî. 

 

Ciwanê ke waştêne ver bi Taksîmî rayîr ra şêrê zî bi sloganê “destbendkerdiş, tepiştiş û zextî nêeşkenê ma bêzar bikerê” reaksîyon vera hêrişê polîsan mojnayî. Ciwanê ke sloganê “Meydanê Taksîmî meydanê 1ê Gulane yo” berz kerdî, destê înan peyser ame kelepçekerdiş û ameyî destbendkerdiş. 

 

Endamê ESP û SOLDEP’î ameyî Meydanê Şîşliyî û uca de ameyî destbendkerdiş.