‘Îmkanê aştîya mende est o la ganî klîşe bivuryê’ 

2026-10-03 11:43:57


	 

	Melîke Aydin

	 

	STENBOL - Ayşegul Devecîoglu rolê cinîyan ê prosesê aştîye ercna û va: "Rolê cinîyan ê prosesê aştîye yê nikayîn zaf muhîm o. Heme prosesanê şerî yê dinya de cinîyan rol kay kerdê. Yê ke tewr zaf tesîr benê cinî û tut ê. Nê semedî ra zî ganî cinî bêveng nêmanê."

	 

	Nuştoxe rojnamegere Ayşegul Devecîoglu ya ke yew kesa ke îmza eşt deklareyê "Semedê Komara Demokratîke û Aştîye 1001 îmza!" dîyar kerd ke semedê aştîyêka manadar îmkanê muhîmî est ê û va ke astengîyanê tewr pîlî xetimnayîşê ziwan û sîyasetî de yo.

	 

	'Mi bêteredud îmza kerd'

	 

	Ayşegul Devecîoglu bale ant armanca vengê "Aştî û Komara Demokratîke" ya ke ameye îmzekerdiş û va: "Mi zî îmza kerd çimkî ez aştî û heqê hêvîye muhîm vînena. Semedê çareserîya problemê kurdî desturê bingehênî yê ke heme hetan hewêneno şert o. Şertê bîyayeyî de tespîtkerdişê demokrasî, desturê bingehênî yan zî huqûqî mumkin nîyo. Desturêk bingehênî yo ke her kesî hewêneno çin o. Nê semedî ra semedê çareserîya problemê kurdî hewcedarîya vurîyayîşê desturê bingehênî est o. No nêşeno bêro înkarkerdiş. Mi bêteredud no îmza kerd."

	 

	'Heta heqê gerdunî pê nêro aştî mumkin nîya'

	 

	Ayşegul Devecîoglu ard ziwan ke yê ke îmza kerdî zanê ke heqê gerdunî yê sey perwerdeyê bi ziwanê dayîke, hemwelatîbîyayîşê têduştî pê nêro aştî mumkin nîya û wina dewam kerd: "Semedê aştîye nê hezar îmzayê ke ameyî eştiş, îradeyê akerdişê welatêk demokratîkî nîşan dano. Heta ke rîameyîş û pêkerdiş çinbo, aştîya komelî û aştîya manadar nêvejîyo orte. Meseleyê sey 12ê êlule û vengkerdişê dewan, hema nê dir nêameyî rî bi rî. Şerê 50 serrî de tena leşker û gerîla nê, sivîlî zî ameyî qetilkerdiş. Lazim o ke nê dir bêrê rîameyîş. Lazim o ke ancî vîrê hembeşî bêro viraştiş."

	 

	'Lazim o ke gamê demokratîkî bêrê eştiş'

	 

	Ayşegul Devecîoglu wina dewam kerd: "Abdullah Ocalan mesaj şirawit konferansê Londonî rê. Gamanê demokratîkî ser o vindert. Eke nê hetî de gamê demokratîkî nêrê eştiş entegrasyonê demokratîkî zî mumkin nîyo. Yanî lazim o ke bîyayîşê kurdan tewrê huqûqî bêro kerdiş û merdimê ke têkoşînê çekdarî tercîh kerdî tewrê sîyasî û cuye bibê û semedê nê zî şert û mercî bêrê awankerdiş."

	 

	'Aştî tena bêvengbîyayîşê çekan nîya'

	 

	Ayşegul Devecîoglu rolê cinîyan ê prosesê aştîye zî ercna û va: "Rolê cinîyan ê prosesê aştîye yê nikayîn zaf muhîm o. Cinîyan konferansê 31ê teşrîna peyêne û 1ê teşrîna verêne de no bi serkerd. Tîya de metodêk û usulêk esto ke lazim o ke her kes bimuso. Heme prosesanê şerî yê dinya de cinîyan rol kay kerd. Yê ke tewr zaf tesîr benê cinî û tut ê. Nê semedî ra zî cinî bêveng nêmanê."

	 

	Ayşegul Devecîoglu peynîya qiseykerdişê xo de va ke astengîya tewr pîlî ya vernîya aştîye xetimnayîşê sîyaset û ziwanî de yo û wina qedêna: "Ma bêziwan; bi vatişanê klîşe qisey kenê. Ma hîsanê amadeyî îfade kenê. Tîya de rolê muhîmî keweno milê hunermend û edebîyatkeran ser."