Di endamanê KJARî ra 3 aşmî yo agahî nîna girewtiş

2026-09-26 14:59:31


	 

	MERKEZÊ XEBERAN - KJARî da zanayene ke endamê aye Zehra Pîrdehqan û Perwîne Rasiq Qizilbaş ke temmuza 2026î de Urmîye de ameybî destbendkerdene, nêzdîyê hîrê aşmî yo înan ra tu xebere nêyena girewtene.

	 

	Komela Cinîyan ê Azadan a Rojhelatê Kurdîstanî (KJAR) bi eşkerayîyêke da zanayene ke di endamê aye bi nameyê Zehra Pîrdehqan (Dîcle Maku) û Perwîne Rasiq Qizilbaş (Adar Maku) ke Urmîye de xebatê sîvîl û rêxistinkerdişê cinîyan ramitêne, temmuza 2026î de hetê qewetanê asayîşê Îranî ra ameyî destbendkerdene û nêzdîyê hîrê aşmî yo derheqê aqûbetê înan de tu malumat çin o. Bi vîyartişê nêzdîyê hîrê aşman reyde zî derheqê rewşa tenduristîye û cayê tepiştişê nê her di cinîyan de keyeyanê înan rê tu malumat nêameyo dayene; qewetê asayîşê Îranî keyeyan ser o zordayîş kenê ke vernîya taqîbkerdişê aqûbetê înan ê bi rayîranê huqûqî û sîvîlan bigîrê.

	 

	KJARî ard ziwan ke Komara Îslamî ya Îranî berpirsîyara cuye û tenduristîya nê her di cinîyan a û waşt ke cayê tepiştişê înan bilez bêro eşkerakerdene. KJARî venga dezgehanê mîyanneteweyîyan ê pawitoxanê heqanê merdiman û rêxistinanê cinîyan da ke vera nê vindîkerdişê bi zorî bêveng nêmanê û bi zordayîşê heqanê merdiman vernîya binpaykerdişê heqanê înan bigîrê.