
‘Ma hemverê kulturê dejenerebîyayîşî alternatîf ê’ 

2026-09-24 09:05:10


	&nbsp;

	ANQARA - Merkezê Kulturî yê Anatolyayî, bi atolyeyê cîyayan dest bi demê neweyî kerd û hedef kenê ke xebatanê semedê tutan taxan de zî bidomnê. Îdarekara merkezî Reyhan Yildirimci wina va: "No wareyêk o ke merdimî şenê hetanê xo yê jîyatî vejê vernî. Nê hetî de ma hemverê kulturê dejenerbîyayîşî alternatîf ê."

	&nbsp;

	Merkezê Kultur û Hunerî yê Anatolyayî ke serrê vîyarteyî qezaya Çankayayî ya Anqarayî de ame akerdiş, bi atolyeyê cîyayan dest bi demê neweyî keno. Atolyeyan de semedê pîlan atolyeyê kemençeyî, erbaneyî, flut, çelloyî, perwerdeyê vengî, şanî, resim û sînemayî do bêrê akerdiş. Semedê tutan zî do atolyeyê drama, rîtîm, koro, govend bêrê akerdiş. Heto bîn ra plan kenê ke taxan de bi atolyeyê boyaxî, gernayîşî, rîtîmî tutan dir bêrê têhet. Muracatê semedê atolyeyan 30ê êlule de do peynî bibê. 1ê teşrîna peyêne de do perwerde dest pêkero.

	&nbsp;

	Îdarekara Merkezê Kultur û Hunerî yê Anatolyayî Reyhan Yildirimci û yewîya tutan perwerdekare Sîdar Turkoglu derheqê armancê xebatan de, atolyeyê demê neweyî de qisey kerdî.

	&nbsp;

	'Ma bi huner cimatî dir yenê têhet'

	Reyhan Yildirimci wina qal kerd: "Atolyeyan de hedefê ma no yo ke merdimî bi kulturê xo bi ziwanê xo perwerde bigîrê û hunerê xo vejê vernî. Ma tîya wendekaran sey qursiyer nê, sey kesê ke kulturê xo virazno û bi herra xo dir yeno têhet vînenê. Ma programanê mîyanê sazîye û teberê sazîye de hunerî cimatî dir yenê têhet."

	&nbsp;

	'Ma alternatîf ê'

	&nbsp;

	Reyhan Yildirimci dîyar kerd ke rijîyayîş û dejenerbîyayîş cimatî ser o yeno ferzkerdîş û wina ard ziwan: "Taxan de polîtîkayê taybet yenê domnayîş. Şuxilnayîşê hişbirî zêde bîyo û fuhûş zî zêde bîyo. Ciwan û tutan kenê hacetê nê polîtîkan. La no ware wareyêk o ke merdimî şenê xo aver bero yo. No ware semedê înan ame viraştiş. Ma alternatîfê kulturê dejenere yê."

	&nbsp;

	

	&nbsp;

	Atolyeyê demê neweyî

	&nbsp;

	Sîdar Turkoglu zî wina va: "Demê neweyî de drama, rîtîm û solfej do bibo. Ma nê demî de tewrbîyayîşêk hîna zêde pabeyê. Nika tutî hem tewrê kemanî û hem zî piyanoyî benê. Semedê pîlan zî do atolyeyê ma yê keman, piyano, şan, bilûr, erbaneyî bibo. Pêwa nê do atolyeyê tîyatro, resim bibo. Hedefê ma no yo ke ma qezayê cîyayan ê Anqarayî de zî bi nê atolyeyan tutan dir bêrê têhet."

	&nbsp;