Nuray Ozdogan: Zemînê qanûnî ganî bêşert bêro awankerdiş 

2026-07-10 09:09:20


	 

	ANQARA - Avûkate Nuray Ozdogan va ke hemverê gamanê xurtî yê semedê çareserîya problemê kurdî lazim o ke zemînê qanûnî bêşert bêro vetiş û va: “Vetişê qanûnê çarçeweyî yê bi şert yan zî goreyê sewîyeya rêxistine yewbînan ra cîyakerdiş hemverê xozaya prosesê çareserîye yo.”

	 

	Zemînê huqûqî yê derheqê “Vengê Aştî û Cimatê Demokratîkî” yê Rayberê Şarê Kurdî Abdullah Ocalanî semedê helwestê îqtîdarî hema awan nêbîyo. Sewîyeya nikayîn ya derheqê zemînê huqûqî de, çapemenîye de vejîya orte ke çarçeweya qanûnêk binê vengê Wezaretê Edaletî de ame amadekerdiş. Munaqeşeyê derheqê çarçeweya qanûnî û gamanê goreyê ruhê prosesê çareserîye dewam kenê. Sewbîna qiseykerdişê nê do dimayê zîrveyê NATOyî yê 7-8ê temmuze bêro meclîs.

	 

	Endama Meclîsê Partîya Têduştî û Demokrasîyê Şaran (DEM Partî) Nuray Ozdogan derheqê mesele de qisey kerd.

	 

	Nuray Ozdogan derheqê serrastkerdişanê qanûnî de qisey kerd û va: “Ma qalê çareserîya problemêk ke xo seperneno 100 serrî. Çareserîya mesele do tesîrê şarê dinya ser o bikero. No yew serrî yo ke rêxistine qerarê veradayîşê çekan girewt. No qerar zî bêşer û bêbazar ame kerdiş. Sewbîna hema şert û mercê Birêz Abdullah Ocalanî nêameyî başêrkerdiş û zemînêk qanûnî de nêame roniştiş. Semedê ke muzakere bi hawayêk rind biherikîyo rewşêke lazim a ke her kes pê bikero. Lazim o ke şert û mercê ke Abdullah Ocalanî baş bibê ke muzakere bidomîyo.”

	 

	Çarçeweya qanûnî ra çi yeno pabebîyayîş

	 

	Nuray Ozdogan va ke derheqê çareserîya problemê seserre de gamêka zaf xurtî ameya eştiş û hemverê na game lazim o ke zemînê qanûnî bêşert bêro caardiş û va: “Heme dinya de nê tewir prosesan de mevzuatê qanûnî game bi game ameyî kerdiş. Bêguman no yew reyde nêbi û cayêk ra dest pêkerd. Şert o ke zemînê huqûqî bêro awankerdiş. Hêvîdar a ke qanûnêk ke îradeyê heme şaran nîşan dano bibo. Eke no bivurîyo qanûnê poşmanîye do zaf tehluke bibo. Do hemverê şaran nêheqî bibo.”

	 

	‘Bêpêrodayîş destkewtişêk pîl o’

	 

	Nuray Ozdogan va ke pêwa her çîyî nêbîyayîşê merdişan û bêpêrodayîş qezencêk pîl o û va: “Qanûnî do meclîs ra bivejê. Bêguman do bi organîzasyonê hetan dir bêro domnayîş. Eke no qanûn bêro qebûlkerdiş do destpêk bibo. Bi serran hemverê şarê kurdî huqûqêk cîya ame domnayîş. Birêz Ocalan bi desine reyan va. Do hîn hetî hewl bidê ke proses parçe bikerê. Se ra 90yê cimatê Tirkîya semedê aştîye ‘erê’ vano. Sebebê bêbawerîye zî helwestê îqtîdarî yo.”

	 

	‘Prosesêk binê zordarîyan de ame domnayîş’

	 

	Nuray Ozdogan asayîşê huqûqî yê prosesî zî ser o vinderte û na mesela zî wina ard ziwan: “Asayîşê serrastkerdişê huqûqî binê taqîbkerdişê ma de yo. Nê semedî ra beno ke no hende zehmet bibo. Taqîbkerdişê şarê Tirkîya do asayîşê huqûqî bibo. Ma nê têkoşînê cinîyan de no zaf rey dî. Cimat xerîbê nê nîyo. Demê 2013-2015ine de qanûnêk vejîya. Hetê hetan de qanûnêk ke asayîşê huqûqî hewêneno estbî. No bêmuhakemekerdişî ser o bî. Dewaya Kobane est a, endamê MYKyî yê HDPyî o dem ameyî tepiştiş. Bi serran tepişte yê. La o qanûn semedê sîyasetmedar û HDPyijan pê nêame. 2018ine de orte ra ame wedaritiş. Prosesêk binê zordarî û zilmî de ame ciwîyayîş. Nika zî beno ke hîn endîşeyî bibê. Bêbawerî bibo. La lazim o ke hetî nê prosesî rind bivînê. No semedê şarê Tirkîya îmkan o. Lazim o ke têkoşîn bêro domnayîş. Eke no proses nêvurîyo serkewtiş, do ameyoxê Tirkîya tarî bibo.”

	 

	‘Lazim o ke prosesê qanûnî nêvurîyo yê cezakerdişî û astengkerdişî’

	 

	Nuray Ozdogan dîyar kerd ke nê prosesî de tecrîdê Abdullah Ocalan ser o zî nêşeno bêro qebûlkerdiş û wina va: “Lazim o ke heqê hêvîye pê bêro. No ferz o. Lazim o ke lezkî tecrîd bêro wedaritiş. Heqê hêvîye pê bêro. No proses bi têkoşînî resa na sewîya. Destkerdişî semedê heme şarê Tirkîya bi qîmet û muhîm ê. Yeno pabebîyayîş ke nê serrastkerdişî nêvurîyê cezakerdiş û cuya sîyasî komelî nêro sînorkerdiş. Prosesêk qanûnî yê eksê ci pêrodayîşan hewêneno. Vetişê qanûnê çarçeweyî yû bi şert yan zî goreyê sewîyeya rêxistinî yewbînan ra cîyakerdiş hemverê xozaya prosesê çareserîye yo.”