Emîne Kaya ke şîdet ci rê ame kerdiş tehdîd kerdî

2026-07-06 10:20:05


	 

	Pelşîn Çetinkaya

	 

	ÊLIH - Waya Emîne Kaya ya ke mêrdeyê xo ra şîdet dî, Sakîne Kaya dîyar kerde ke nêweşxane û qerekol de zî şîdet waya ci Emîne Kaya ser o dewam kerdo; mêrdeyê ci dimayê qerekolî waya ci kerda keye û nêverdayo kes ci dir pêvînayîş bikero.

	 

	Emîne Kaya ya ke Êlih de ciwîyena, rojanê verênan de hetê mêrdeyê xo ra şîdet dî. Dimayê ke nêzdîyanê aye agahî daye, keye ame ban û Emîne Kaya bêhiş dîye. Ekîbê ke ameyî cayê hedîse, Emîne Kaya berdî nêweşxane. Waya ci Sakîne Kaya da zanayene ke dimayê şîdetî ne nêweşxane ne zî qerekol de têkoşînêko bi tesîr nêameyo rayraberdene. Sakîne Kaya şîdet û binpaykerdişê heqan ajansê ma re qisey kerd û va hêzê asayîşî zext Emîne Kaya rê kerdê.

	 

	‘Mêrdeyê ci şîdet ci rê kerdêne’

	 

	Sakîne Kaya eşkera kerde ke dimayê ke waya ci rê şîdet yeno kerdene bêhiş bena û wina va: “Rojanê verênan de saete nêzdîyê 12.30’an de warezaya mi Berfîne va Emîne saetêka erd de rakewta û ma wurznenê labelê nêwurzena. Waya mi Barmale geyra. Barmale mi gera. Va mêrdeyê ci şîdet ci rê kerdo. Ez şîya keye, Emîne erd de bîye. Birayê mi ambulanse gêra. Nêweşxane de 10 deqeyan çîyêk nêkerdî. Ne MR ame antiş ne zî mudaxaleyêko bîn. Labelê dima ra MR antî. Dima ra birayê mi gêrayî, vatî nameyê ma do vejîyo, namûsa ma do lêşin bibo. Labelê tîya de waya mi şîdet dî. Yewine endîşeyê înan no bi ke namûsê înan zirar bîvîno.”

	 

	‘Ez oda ra veta’

	 

	Sakîne Kaya ard ziwan ke Emîne bi kurdkî qisey kerdêne û demê îfadeyî de hewcedarî bi açarnayoxî bîye, labelê destûr nêame dayene û wina dewam kerd: “Beşîr û Yusuf (birayê mi) vatêne ma serê hedîse bigîrê. Mi Yusuf re va cayê ma Beşîr re mevaje. Polîsê ke ameyî nêweşxane Beşîr nêverda. Dima ra ma berdî qerekol. Labelê ma berdî cayêko cîya. Polîsî Emîne re va çi bîyo. Emîne tirkî nêzanayîne. Min waşt açarnayîşê Emîne bikero.”

	 

	‘Polîs cewabê ‘ma nêeşkenê cinîyan bipawê’

	 

	Sakîne Kaya wina ard ziwan: “Mi waşt dîmenê telefonî bimojnî polîsan. Dîmenê derheqê ke ban de tiryak ameyo şixulnayîş est ê. Labelê polîsî nê dir eleqedar nêbîyî. Ez oda ra veta. Na rey Yusuf girewtî zere. Mi îtîraz kerd. Labelê polîsî va tu nêeşkena karê mi bimojnê ma. Dima ra polîsan Beşîr û Yusuf girewtî zere. Texmînê mi o yo ke uca de zext Emîne rê kerdî û vatî domanê te çin ê, kes wayîr to rê nêvejîyeno, do namûsê ma lêşin bibo. Polîsan zî paştdayîş da nê vatişan û vatî ma nêeşkenê cinîyan bipawê.”

	 

	‘Netîceya zextî de Emîne gerre nêkerd’

	 

	Sakîne Kaya wina peynî da qiseykerdişê xo: “Pêwa qeydê tiryakî yê zamayî yê ke polîsan dir est bî zî ti çî nêame kerdene. Dimayê saetêka dima îfade bi peynî bi. Yusuf û Beşîr keyfweş bîyî. Pêwa hewldayîşê ma, pêwa ma dîmenê ke ban de tiryak ameyo şixulnayîş bimojnî zî tu çî nêame kerdene. Waya mi bi tehdîdan ban de mende. Mêrdeyê ci ber serê waya mi de girewt. Şîdet ci rê kerd. Tehdîd ci rê kerd. Emîne newe ra şî banê xo. Ez ci dir bi telefon qisey kerd. Va çimê mi rayîr de yê. Va semedê bêçaretî remaya. Sewbîna va Beşîr newe ra tiryakî şixulneno.”