Dîlan Kunt: Statu garantîya prosesî ya

2026-07-01 10:38:04


	 

	Melek Avci

	 

	ANQARA - Parlamentera DEM Partî Dîlan Kunt Ayane, derheqê munaqaşeyê ke vanê 'no qanûn de babeta statuyî nîna verê ma' de wina va: “Vîrusê nê prosesî nêzelalî yo. Antîvîrusê ci zî tanzîmkerdişê qanûnî yo. Statu bi tena serê xo statuyê birêz Ocalanî nêhewêneno. Statu garantîya prosesî ya. Tanzîmkerdişê qanûnî ra asayîşêr yeno.”

	 

	Prosesê Aşitî û Cimatê Demokratîkî dewam keno; Rayberê Şarê Kurdî Abdullah Ocalanî û PKK’yî nê prosesî de gamê muhîmî eştî û hetê îktîdarî ra zî nêgamî ameyîne pawitiş. Agahîya ke çarçewaya qanûno ke Rayberê Şarê Kurdî Abdullah Ocalanî sey ‘qanûnê kokî’ name kerbî, do dimayê roniştişê (zîrveya) NATOyî ke 7-12ê Temmuze de Anqara de do bibo, bêro meclîs. Dimayê pêşnîyazqanûnê çarçewa bêro munaqeşekerdiş do Heyetê Pêroyî yê Meclîsî de bêro erjnayîş. Labelê hema derheqê zereyê ci de agahîyêka zelale nêameya destvistiş.

	 

	Endama Komîsyona Edaletî parlamentera DEM Partî Dîlan Kunt Ayane derheqê munaqeşeyanê qanûnê çarçewa de erjnayîş kerd.

	 

	‘Pêşnîyaznameyêk ke ameyo verê destê ma çin o’

	 

	Dîlan Kunt Ayane da zanayene ke mîyanê cimatî de pabebîyayîşêk cidî est yo û 27ê Sibate ra heta nika no 16 aşman de hema qanûnêko aşitîye nêameyo kerdene. Dîlan Kunt Ayane wina va: “Ameyîne pawitiş ke Komîsyonê Edaletê Cimatî de qanûnê aşitîye bêrê qiseykerdene, pakêta 12ine yê hukmî ameye qiseykerdene. Pabebîyayîşê şarî qanûnanê prosesî ra est bi. Labelê îktîdarî va ‘ma amadekarî kenê, pêşnîyazê qanûnî est o do biqedîyo’. Labelê hema pêşnîyaz qanûnî yo ke bêro parekerdiş çin o. Vîrusê prosesî nêzelalî yo. Antîvîrus zî tanzîmkerdişê qanûnî yo.”

	 

	‘Yê ke do paştgîrî bidê prosesî zîndan de yê’

	 

	Dîlan Kunt Ayane dîyar kerde ke no vîrusê nêzelalîye ancax bi tanzîmkerdişanê qanûnî eşkeno orte ra bêro wedaritiş û wina vat: “Gere no proses bi qanûnî bêro tacîdarkerdene. Labelê ma vînenê ke hema çîyêk çin o. Beno ke vurnayîşê qanûnî yê bi kokî rehet nêbê. Ma behsê babeta kurdan ê 100 serrî kenê. Wextêko kilm de awankerdişê qanûnî beno ke zehmet bo. Labelê ma vînenê ke tanzîmkerdişê qanûnî zî hîna nêameyo kerdene. Mîsal zîndanî. Tahlîyekerdişê tepişteyan bi heyetanê Îdare û Çimdarî yenê taloqkerdene. Ma vînenê tepişteyê ke 30 serrî zîndan de mendî û tehlîye bîyî, yê tewr zaf paştgîrî danê prosesî yê. Yê ke do paştgîrî bidê prosesî zîndan de yê.”

	 

	‘Bi gamanê cesuran do proses biserkewo’

	 

	Dîlan Kunt Ayane qiseykerdişê xo wina dewam kerd: “Ma serranê 99an bîyarê vîrê xo. Yê ke wextê ci de ameyî, zirarê înan kesî rê çin bî. Eksê nê bi cigêrayîş û nûşteyanê xo cimat roşn kerdî. No karê cesaretî bi. Beno ke endîşeyî bibê labelê seba nê gere gamê cesurî bêrê eştiş. No proses bi gamanê cesuran eşkeno bireso. Hewcedarî bi tanzîmkerdişêko ke heme terefanê cimatî îqna keno est o. Gere no tanzîmkerdiş zî bêtêduştîye ra dûr bo. Ma her wext ard ziwan; bê têduştîye, cezakerdene û poşmanîye ra wetayêr, hewcedarî bi tanzîmkerdişêko ke vernîya tewrbîyayîşê sîyasetê demokratîkî akeno est o.”

	 

	‘Statu garantîya prosesî ya’

	 

	Dîlan Kunt Ayane qiseykerdişê xo wina bi peynî kerd: “Babetêka bîne ya kulîsan de zî ‘babeta statuyî’ ya. Eger ma behsê prosesî bikerê, o wext statuyê Îmraliyî ferz o. Prosesêko wina de eger birêz Ocalanî bêstatu biverdê, zerar dano prosesî. Asayîşê prosesî statu yo. Statu garantîya prosesî ya. Tanzîmkerdişê qanûnî ra zî vernî de yeno.”