
Konferansê Îdarekarîyanê Herêmkîyan ê Demokratîkan dest pêkerd 

2026-06-08 11:00:19


	&nbsp;

	AMED - Konferansê Îdarekarîyanê Herêmkîyan ê Demokratîkan dest pêkerd ke do di rojî dewam bikero, Salona Konferansî yê Çand Amed de dest pêkerd.

	&nbsp;

	Konferansê Îdarekarîyanê Heremkîyan ê Demokratîkan ke do di rojî dewam bikero, Çand Amed ke qezaya Şaristanê Neweyî yê Amedî de virazîyeno, dest pêkerd. Hemserekê Pêroyî yê DEM Partî Tuncer Bakirhan û Hemserekê Pêroyî yê DBPyî Çîgdem Kiliçgun Ûçar û Keskîn Bayindirî zî tede, xeylê parlamenterî, hemşaredarî, endamê meclîsanê şaredarîyan û endam û rayberê partîyanê siyasîyan û dezgeyanê sivîlan beşdarê konferansî bîyî.

	&nbsp;

	Salone de bi kurdkî, tirkî, erebkî, ermenkî û suryankî dowîzê “Şaredarî komun a, komun şaredarî yo”, “Bi Îdarekarîyanê Herêmkîyan Ver bi Komelê Komunalî” û “Ma bi îradeyê cinîyan komunan û bi îdarekarîyanê heremkîyan komelê azadî awan kenê” ameyî daleqnayene. Konferans bi rêzgirewtişî dest pêkerd û do peyama Rayberê Şarê Kurdî Abdullah Ocalanî yê seba konferansî erşawitbî bêro wendene.

	&nbsp;