Rahmî Koç bi ziwanêk cinsperest cinîyanê kurdan hedef girewt

2026-06-06 11:50:48


	 

	MERKEZÊ XEBERAN- Karsaz Rahmî Koçî Îzmîr de akerdişê nêweşxaneyêkê de bi ziwanêko cînsîyetperest cinîyê kurdî kerdî hedef. Cinîyan vera Rahmî Koçî nerazîbîyayîşê xo mojna û Koçî ra ame waştiş ke o ganî efûyê xo biwazo.

	 

	Serekê Rûmetî yê Koç Holdîngî Rahmî Koçî Balçovaya Îzmîrî de akerdişê Nêweşxaneyê Amerîkî de heqaretê cinîyanê kurdan kerd. Wexto ke Rahmî Koçî weqayêka wina mîzahî ser o heqaretê  cinîyanê kurdan kerdêne, Serekwezîrê AKP’yî yê verênî Bînalî Yildirimî zî bi huyayîşêko lêmin huyayêne.

	 

	Dima ke nê dîmenê Rahmî Koçî yê nîjadperestî medyaya dîjîtale ser o vila bîyî, xeylê merdiman nerazîbîyayîşê xo mojna û na mesela sey nîjadperestîya vera kurdan şîrove kerd. Mîyanê nê nerazîbîyayîşan de Rahmî Koçî ra ame waştiş ke o ganî şarê kurdî ra efûyê xo biwazo.

	 

	Meclîsê Cinîyan ê DEM Partî zî dîyar kerd ke na mesela eşkera kena ke îqtîdar û sermayedarî senî dişmentîya vera kurdan û cinîyan xo weye kenê û wina vat: “Ma qet nêverdanî ke no çî binê nameyê mîzahî de bêra rewakerdene.”

	 

	Endama Heyetê Îmralî û parlamentera Wanî Pervîn Buldan vat: “Qet şerm û heya çin o, rezalet o.”

	 

	Avûkat Eren Keskîn zî dîyar kerd ke na hedîse rezalet a.