
Dewan de pêvînayîşê cinîyan û kontrolê weşîye 

2026-05-15 10:13:57


	&nbsp;

	AMED - Mudirîya Karanê Weşîye, bi hemkarîya Mudirîya Polîtîkayanê Cinîyan a Şaredarîya Peyasî, Dewa Aşikan de cinîyanê dewe reyde kombîyayîşêk viraşt û kontrolê weşîye ame kerdene.

	&nbsp;

	Şaredarîya Peyasî xebatanê xo yê ke bi kombîyayîşanê cinîyan û kontrolanê weşîye yê dewan de dest pêkerd bî, domnena. Çarçewaya nê xebatan de, bi hemkarîyê her di mudirîyan, Dewa Aşikan de kombîyayîşêk ame viraştiş. Xebatkarê Mudirîya Polîtîkayanê Cinîyan, cinîyan reyde raste rast qisey kerd, derheqê xebat û xizmetanê şaredarîye yê seba cinîyan de agahîyî dayî û waştiş û pêşnîyazîyê înan goşdarî kerdî.

	&nbsp;

	Kontrolê weşîye

	&nbsp;

	Tîmê Mudirîya Karanê Weşîye wextê kombîyayîşî de cinîyan rê derheqê nîşaneyanê qanserê cicikan û qanserê fekê rehîmî de agahîyî dayî. Sewbîna tansîyonê gonî, şekirê gonî, bal û kîloyê cinîyan ameyî pêmawitiş.

	&nbsp;

	Eşkerayîya şaredarîye de ame dîyar kerdene ke na xebate do seranserê serre de bi hawayêko nîzamî heme dewanê qeze de bidomnê.

	&nbsp;