
Rojava de çalakîyê 15ê Gulane dewam kenê

2026-05-13 15:52:45


	&nbsp;

	MERKEZÊ XEBERAN - Bi munasibetê 15ê Gulane Roşanê Ziwanê Kurdkî, cangorîya bi nameyê Viyan Amara ameye vîrardene û semînerêk ame awankerdene.

	&nbsp;

	Bi munasibetê 15ê Gulane Roşanê Ziwanê Kurdkî, Komîteya Roşanê Ziwanê Kurdkî ya Kobanê, wendekar û mamosteyan serdayîşê gorê cangorîya bi nameyê Viyan Amara ya Pakrewangehê Şehîd Dîcle yê Kobanê kerd.

	&nbsp;

	Mamosteya ziwanê Kurdkî Viyan Amara (Sevim Kaya) 26ê Temmuza 2013ine de Kobanê de dinyaya xo bedelnabî.

	&nbsp;

	Merasîmê vîrardene bi deqeyêk rêzgirewtişî dest pêkerd. Dimayê ci, endama Meclîsê Perwerde û Musayîşî ya Kobanê Fatma Îsmaîl, 15ê Gulane rihê cangorîya bi nameyê Viyan Amara û cangorîyanê azadîye de pîroz kerd û wina va: "Şehîde Viyan waştêne ma nasnameyê xo nas bikerê. Wexto ke hewceyî bi têkoşînî bi, şehîde Viyan Amara qelema xo teslîmê mamoste û wendekaranê xo kerd, çeka xo wedarna, derbasê şerî bî. 15ê Gulane seba ma zaf pîroz o, na roje nasnameyê ma ya. Ganî ma ziwanê xo bi xoverdayîşê xo destûrê Sûrîye de qetî bikerê.”

	&nbsp;

	Dimayê qiseykerdişî beşdaroxan verê xo da Zanîngeha Kobanê û uca de semînerêk ame dayene. Semîner de serê hişmendîya şaranê bindestan û “Neslê Hawarî ra heta şorişê Rojavayê Kurdistanî vurnayîş û bedilîyayîşê hişmendîya dewaya kurdkî” sohbet ame kerdene.

	&nbsp;

	&nbsp;