Dayîk û babîyê Gulistan Doku do nimûneyê DNA’yî bidê

2026-04-30 14:46:39


	 

	AMED - Do dayîk û babîyê Gulistan Doku ke ameye qetilkerdiş çarçewaya dewa de semedê testê DNA'yî şirawitî Sazgehê Tibê Edlî (ATK) û do înan ra nimûne bêro girewtiş.

	 

	Dimayê şeş serran cipersayîşê kiştişê Gulistan Doku, wendekara Zanîngeha Munzurî ke 5ê çeleyê 2020ine de Dêrsim de vînî bî, averşîyayîşî dewam kenê. Cipersayîş de 12 kesî pêwa walîyê ê demî Tuncay Sonel, ame tepiştiş.

	 

	Sewbîna çarçewaya cipersayîşî de, dayîka Gulistan Doku, Bedrîye Doku û babîyê aye, Halit Doku, talîmatê Serdozgerîya Komare ya Erziromî ser o semedê dayîşê nimûneyê DNA'yî şirawitî Sazgehê Tibê Edlî (ATK).