
Konferansê ‘komun’ yê herêma Botanî ame organîzekerdiş 

2026-04-25 14:35:35


	&nbsp;

	MÊRDÎN - Qezaya Artuklu ya Mêrdînî de, Îdarekardişê Herêmî yê Demokratîkî yê DEM Partî semedê îdarekardişanê herêmî yê herêma Botanî konferansê cinîyan organîze kerd.

	&nbsp;

	Partîya Têduştî û Demokrasîyê Şaran (DEM Partî) Îdarekardişê Herêmî yê Demokratîkî qezaya Artuklu ya Mêrdînî de bi sloganê “Ma bi îradeyê cinîyan komunêk awan kenê, ma bi îdarekardişanê herêmî cimatêk azad awan kenê” herêma Botanî de konferansê cinîyan organîze kerd. Zafê cinîyî tewrê konferansî bîyî û pankartê bi nuştişê “Jin, Jiyan, Azadî” û “Ma bi îradeyê cinîyan komunêk awan kenê, ma bi îdarekardişanê herêmî cimatêk azad awan kenê” bi hîrê ziwanan salona konferansî de daliqnayî.

	&nbsp;

	Qiseykerdişê akerdişî hetê hemşaredara Bajarê Pîlî ya Mêrdînî Devrim Demir ra ame kerdiş.

	&nbsp;

	Xebatê ke serrê vîyarte de ameyî kerdiş do bêrê munaqeşekerdiş.

	&nbsp;

	Devrim Demir dîyar kerd ke ê her di serran ra yew bi rêkûpêk konferans organîze kenê ke xebatê xo biercnê û va: “Ma do munaqeşe bikerê ke ma çiqas xebatê ke weçînitişê herêmî dîyar kerd, ma çiqas xebatê cinîyan pê ard û ma çiqas cewabê hewcedarîyanê îdarekardişanê herêmî da. Konferansê ma yê pêroyî do 6-7ê hezîrane de bibo. Heta o dem, her herême de do konferansî bibê. Ewro, ma do konferansê cinîyanê herêma Botanî organîze bikerê.”

	&nbsp;

	Dimayê qiseykerdişê akerdişî, semedê yadkerdişê kesanê ke têkoşîn de dinyaya xo bedelnayî deqêyêk rêzgirewtiş bi, dima ra programê ke çapemenîye ra girewte bi dewam kerd.&nbsp;

	&nbsp;

	&nbsp;