
Derheqê rojnamegere Oznûr Deger de dewayêka newe 

2026-04-20 14:57:58


	&nbsp;

	MERKEZÊ XEBERAN - Derheqê Mudira Xeberan a JINNEWS’î Oznur Deger de seba ke prosesê destbendbîyayîşê xo de reaksîyon mojnayo, bi îdiaya “xoverdayîş” û “heqaret” dewayêka bîne ameye akerdene.

	&nbsp;

	Derheqê Mudira Xeberan a JINNEWS’î Oznur Deger de bi îdiaya “xoverdayîş” û “heqaret” dewayêka bîne ameye akerdene. Ame dîyarkerdene ke Oznur Deger seba ke 7ê sibate 2025î de destbendbîyayîşê xo yê bi îşkence de ke keyeyê qezaya Qosera Mardînî de ame kerdene û vera şîdetê psîkolojîkî yê vera keyeyê xo reaksîyon dayo, pê yewna dewa yena muhakemakerdene.

	&nbsp;

	Îdîanameyo ke hetê Serdozgerîya Komare ya Qoser ra ame hazirkerdene, Oznur Deger rê sucdarîyê “seba ke wezîfe nêro caardene xoverdayîş” û “heqaret” ameyî kerdene. Îdianame hetê Mehkemaya Cezayan a Aslîye ya Qoser ya 6. ra ame qebulkerdene. Çarçewaya eynî serebûdî de, derheqê maye û waya Oznur Deger de ke vera destbendbîyayîşê aye reaksîyon dayo, bi îdiaya “seba ke wezîfe nêro caardene xoverdayîş” dawayêka cîya abîye.

	&nbsp;

	Ame qeydkerdene ke roniştişê dawa yo yewin do 14ê temmuze de Mehkemaya Cezayan a Aslîye ya Qoser a 6. de bêro vînayene.

	&nbsp;