
Sêwreg de dibistanêke rê hêriş ame kerdiş

2026-04-14 14:57:59


	&nbsp;

	RIHA- Goreyê agahîyan Sêwreg de wendekarêk bi çek kewto Lîseya Mesleg û Teknîkî ya Anadolu ya Ahmet Koyuncu dorûver gulevaran kerdo. Netîceyê gulevaranî de birîndarî est ê.

	&nbsp;

	Goreyê agahîyan wendekarêk bi çek kewto Lîseya Mesleg û Teknîkî ya Anadolu ya Ahmet Koyuncu û dorûver gulevaran kerdo. Goreyê agahîyanê verênan yê ke cayê hedîse ra ameyê girewtene, netîceyê hêrişî de tewr tay 10 wendekarî û 4 mamosteyî 1 polîs û 1 sazgehdarê kantîne birindar bîyê. &nbsp; Sewbîna zî ame eşkerakerdene ke eynî hêrişkarî hinî wendekarî rehîn girewtê.

	&nbsp;

	Heta nika derheqê sebabê nê hêrişî de tu agahîyê zelalî nêkewtê dest. Badê hedîse hûmarêke zêde polîs û ekîbê weşîye sewqê cayê hedîse ameyê kerdene. Xebata dermankerdişê birîndaran dewam kena.

	&nbsp;