Koye de mergê bişik yê cinîyêke 

2026-03-30 15:36:44


	 

	MERKEZÊ XEBERAN - Cinîya bi nameyê Skala Heso şewatî ra dimayê rojan nêweşxaneyê ke mendêne, dinyaya xo bedelnaye. Goreyê zanayîşan 23ê adare de bi hawayêk bişik veşabî.

	 

	Goreyê agahîyan 23yê adare de cinîya bi nameyê Skala Heso ya şarê qezaya Koye ya ke girêdayeyê Hewlêrî yo, ya bi hawayêk bişik veşabî. Dimayê hedîse Skala wedarnabî nêweşxane, la yeno vatiş ke semedê şewatî Skala dinyaya xo bedelnaye.

	 

	Goreyê şahidê nêzdîyê hedîse, Skala zewicnaye bî û tutêk aye estbî. Yeno vatiş ke dimayê demêk semedê problemê mêrdeyê xo, keyeyê dayîka xo ya Koye de mendêne. Goreyê agahîyan mêrdeyê Skala waşto tut Skala ra bigîro, la Skala nê qebûl nêkerdo. La mêrdeyê aye hertim israr kerdêne ke tutî bigîro û ters Skala ser o virazo.

	 

	Şahidê hedîse vanê, hemserê Skala xeylêk rey hemverê Skala şîdet kerdo.