Kemal Kurt cayo ke amebi qetilkerdiş ame yadkerdiş

2026-03-21 11:31:50


	 

	AMED- Wendekarê unîversîte Kemal Kurkut ke Newroza 2017î ya Amedî de destê polîsan ra cayê kontrolî yê kewtişê warê pîrozkerdişî de ameyo kiştene, cayê ke tede ameyo kiştene, ame vîrardene.

	 

	Hemserekê DBP’yî yo Pêroyî Keskîn Bayindir, Hemserekê DEM Partî yê Pêroyî Tulay Hatîmogullari û Tuncer Bakirhan, zaf sîyasetmedar û hemwelatîyî beşdarê vîrardişî bîyî.

	 

	Keskîn Bayindirî vat: “Verê ke ma bikewê warê Newroze, ma Şehîdê Newroze Kemal Kurkut bi hurmet anê xo vîrî. Qedexekerdişê Newrozan ra heta nika zaf fedaî û şehîdê ma yê Newroze est ê. La o ke tewr zêde zerrîya ma dejnaye Kemal Kurkut o. Nê warî ra ame kiştene. Ma soz danê şehîdê Newroze Kemal Kurkut û hevalanê ci ke ma do Newroze bikerê Newroza şahî û azadîya şarê xo. Êdî çar hetê Kurdîstanî û dinya de Newroze bibo Newroza haştî û azadîya şarê kurdan.”