Cuya tepişteyan Zîndanê Evîne de tehluke de ya

2026-03-04 15:44:40


	 

	MERKEZÊ XEBERAN – Komîteya Pawitişê Rojnamegeran va, tewr tay 15 rojnamegerê ke Îran de ameyî tepiştiş cuyayîşê înan tehluke de yo. Komîte venga selahîyetdaranê Tehranî kerd ke înan lez û bez, bêşert û merc verabidê.

	 

	Komîteya Pawitişê Rojnamegeran eşkerayîyêka xo de bale ant ser rewşa rojnamegerê ke zîndanê Îranî de yê û va: “Endîşeyê cidî rewşa xebatkaranê medyayî ke zîndanê Îranî de yê, est o. Ma venga selahîyetdaranê Îranî kenê ke heme rojnamegeran bê ereymendişî verabidê.”

	 

	Goreyê komîteyê tewr tay 15 rojnamegerî Îran de tepişte yê.

	 

	Komîteya Pawitişê Rojnamegeran dîyar kerd ke Zîndanê Evînî taxêka Tehranî ya ke artêşa Îsraîlî venga roniştoxê ci kerd ke vejîyê, no yew zî tehdîdêk cidî cuyayîşê tepişteyan ser o awan keno. Zîndan şerê serra 2025ine yê mabêne Îran û Îsraîlî de reyna hedefê hêrişan de bi. Netîce de tewr tay 80 kesî mîyanê înan de tepişte û xebatkarê cimatî zî estbî, ameyî qetilkerdiş.

	 

	Komîteya Pawitişê Rojnamegeran (CPJ) dîyar kerd ke rojnamegerî ganî nêkewê bin bacê gurrbîyayîşê pêrodayîşan û ganî resayîşê înan ê werd, xizmetê doktor û têkilîya înan bi dinyaya teberî bêro garantîkerdiş.