
Qedexeyê teberê welatî Nurcan Yalçine ser o ame wedaritiş

2026-03-03 15:13:17


	&nbsp;

	AMED – Roniştişê 5ine yê dewaya rojnamegere Nûrcan Yalçin ke bi îdiaya “endamîya rêxistine” û “muxalefetê hemverê qanûnê fînansorîya rêxistine” yena muhakemekerdiş, 9ine Dadgeha Cezaya Giran ya Amedî ame organîzekerdiş. Qerarê qedexeyê vejîyayîşê teberê welatî ame betalkerdiş.

	&nbsp;

	Nûrcan Yalçin û avûkatê aye Resûl Temûr beşdarê roniştişî bî. DFG û Şaxa OHD’yî ya Amedî zî dewa taqîb kerd.

	&nbsp;

	Rojnamegere Kîbriye Evren roniştiş de şahidî kerd û va ke Nûrcan Yalçin rojnameger a, wextê tepişte bîya hevaltiya aye ya serdayîş kerda û semedo ke keyeyê aye dûr bîyo, pereyê keyeyê aye şirawitêne hesabê Nûrcan Yalçinî rê.

	&nbsp;

	Nûrcan Yalçin zî waşt ke tedbîrê kontrolê edlî yê qedexeyê vejîyayîşê teberê welatî ke 5 serran o domîyeno bêro wedaritiş. Resul Temûrî zî va ke muwekîla ey rojnameger a, semedê xebatê meslegî yena muhakemekerdiş û waşt ke qerarê qedexeyê vejîyayîşê teberê welatî bêro betalkerdiş.

	&nbsp;

	Dadgehe qerar da ke tedbîrê kontrolê edlî yê qedexeyê tebervejîyayîşê welatî bêro wedaritiş û roniştiş taloqê 22yê êlule kerd.

	&nbsp;

	&nbsp;