‘Bêazadîya cinîyan entegrasyonê demokratîk mumkin nîyo’ 2026-02-27 11:27:04   Nazlican Nûjîn Yildiz   ÎZMÎR - Endama Akademîya Jîneolojî Fîgen Aras derheqê eşkerayîya peyên Abdullah Ocalan û rapora komîsyonî de ercnayîş kerd û va: “Pêvînayîşê bi Abdullah Ocalan ra nîşan dano ke proses çiqas muhîm o. Raporê komîsyonî ganî mîsîlemeyê ci bibo.”   Heyetê Îmralîyî 16ê Sibate de Rayberê Şarê Kurdî Abdullah Ocalanî dir pêvînayîş kerd û dimayê nê heyeteyî eşkerayîyêka nuştî da. Eşkerayî de Abdullah Ocalan ercnayîşê ‘Prosesê ma pey xo hêz û jîrbîyayîşê muzakereyî ke eşkeno derbasê siyaseto demokratîk û entegrasyonî bibo nîşan da’ kerd. Sewbîna Abdullah Ocalan va ganî rolê komîsyonî goreyê rastîya cimatî bibo.   Endama Akademîya Jîneolojiye Fîgen Aras derheqê babetî de qisey kerd û va bê azadîya cinîyan entegrasyonê demokratîkî mumkin nîyo.   Fîgen Aras va pêvînayîşê Rayberê Şarê Kurdî Abdullah Ocalanî dir nîşan dano ke proses bi destkewtişê çiqas muhîmî pirr o û va: “Têkoşînê 52 serrî est o û destkewtiş bîyayîşê kurdan nîşanê dinya dano. Hem şorişê Rojawanî hem zî destkewtişê pîl netîceyê nê yo. Pêwa nê qebûlkerdişê bîyayîşê kurdan, statuyê destûrê bingehîn, cuyayîşê pîya muhîm o. Têkoşînêk heta ewro ame. Têkoşînê çekdarî bî. No têkoşîn açarya têkoşînê siyasetê demokratîkî. No xeylêk bi qîmet o. Hewce bi hawayêk siyasetê demokratîkî bîyo. Averşîyayîşê nê hawayî zî girêdayê fehm û nasnameyê cinîyan o.”   ‘Ganî bi serkêşîya cinîyan bêro kerdiş’   Fîgen Aras wina dewam kerd: “Sîstemê bîyaye xetimya yo. No fehmê siyasî azadîya heme pêameyê cimatî esas gêno, ganî çareserîya heme problemê derheqê mêrde û cinîyan de bi asayîşê qanûnî rê girê bido. Yanî babete tenya bi çareserîya problemê kurdî, ganî zaf hetî bêro destgirewtiş. Senîn ke Birêz Ocalan vajeno ‘azadîya cinîyan azadîya cimatî ya’ bi eynî hawayî proses bi xo zî ganî bi serkêşîya cinîyan bibo.”   ‘Ganî mîsîlemeyê raporî bibo’   Fîgen Aras raporê komîsyonî yê meclîsî ser o zî vinderte û wina va: “Rapor de derheqê kurdan de, binpaykerdişê heqê kurdan ser, Kurdî senîn xo bi îdare bikerê, asayîşê qanûnî yê kurdan, têkilîyê huqûqî yê bi gerîlayê ke çeke veradayî û derheqê tepişteyan de tu munaqeşe çin o. Awankerdişê nê komîsyonî muhîm bî. Labelê ganî raporê vejîya cuyayîşî de mîsîlemeyê ci bibo. Bêazadîya cinîyan entegrasyonê demokratîkî zî mumkin nîyo. Xeylêk muhîm o ke ma nê prosesî de rêxistinbîyayîş û têkoşînî xurt bikerê.”