‘Ma 22yê sibate de cinîyan dawetê Saraçhane kenê’ 

2026-02-20 10:33:24


	 

	STENBOL - Endama Kordînasyona Cinîyan a PM’yî DEM Partîye Gonca Yangoz da zanayîş ke Meclîsê Cinîyan ê DEM Partîye 22ê Sibate de Saraçhane de deklerasyonê 8’ê Adare eşkera kena û venga heme cinîyan kerd ke beşdar bibê.

	 

	Meclîsê Cinîyan ê Partîya Têduştî û Demokrasîyê Şaran (DEM Partî) 22ê Sibate de bi sloganê “bi serewedaritişî xo ma bi xoverdayîşê xo cuyayîşê azad û têduştî mûnenê” Saraçhane ra heta Aksarayî 14.00ine de rayîrşîyayîş keno û startê 8’ê Adare dano. Endama Koordînasyonê Cinîyan ê PM’yî DEM Partîye Gonca Yangoz derheqê deklerasyonî de qisey kerd.

	 

	Gonca Yangoz da zanayîş ke 22ê Sibate de Saraçhane de bi sloganê ‘bi serewedaritişê xo ma bi xoverdayîşê xo cuyayîşê azad û têduştî mûnenê’ deklerasyonê 8ê Adare eşkera kenê û va: “Ma bimojnê ke gilayê porê ma senîn ma ano têhet û bi nê esasî ma do xebatê xo dest pê bikerê.”

	 

	‘Ma xebatê wareyan domnenê’

	 

	Gonca Yangoz derheqê xebatê rêxistinê qezayanê DEM Partîye yê semedê 8’ê Adare de wina va: “Ma hemverê qetilkerdişê cinîyan wareyan de bê. Qezayan de heme hevalê cinî semedê deklerasyonê 8’ê Adare yê 22ê Sibate de yeno eşkerayîkerdiş xebitênê. Karkerê tekstîlî ra bigîre heta xebatkarê bînî, ma heme cinîyan rêxistin kenê. Ma prosesêk muhîm ra derbas benê. Ganî no proses açaryo pozîtîfî.”

	 

	‘Armancê ma resnayîşê her cinîyêke yo’

	 

	Gonca Yangoz dîyar kerd ke cinîyê ke sîstemê kehnî yê serdestîyê camêrdî ra nisîbê xo girewtî do wareyan de bê û wina dîyar kerd: “Armancê ma yew bi yew ma bixo biresnê cinîyan. Ma hevalanê xo yê zîndanan zî xo vîr ra nêkenê. Fîgen Yüksekdağ heta Leyla Guven, hevalê STKM’yî heta hevala ma Tanyaye. Ma do wareyan de bê û vengê înan zî berz bikerê. Ma do 8ê Adare cinîyê karkeran dir rêxistin bikerê.”

	 

	‘Ma 22yê Sibate de Saraçhane de yê’

	 

	Gonca Yangoz ard ziwan ke do 22ê Sibate Parka Saraçhaneyî de semedê deklerasyonê 8’ê Adare bêrê têhet û wina va: “Hemverê sîstemê serdest yê camêrdî, kapîtalîzm û dewleta neteweyî ma cinî bibê yew zerrî û kuçeyan de xo rêxistin bikerê. Ma venga heme cinîyan kenê ke 22ê Sibate de Saraçhane de bê. Ganî heme cinî uca de bê.”