
Amma Hourî dinyaya xo bedelnaye

2026-02-18 11:50:02


	&nbsp;

	MERKEZÊ XEBERAN - Amma Hourî ke semedê zanayîşê aqûbetê lajê xo Gul Mihemed Marrî ke hetê Pakistanî ra amebî destbendkerdiş, têkoşînê xo dewam kerdêne, dinyaya xo bedelnaye.

	&nbsp;

	Amma Hourî ya 98 serrî ke semedê zanayîşê aqûbetê lajê xo Gul Mihemed Marrî ke Belucistan de hetê Pakistanî ra serra 2012ine de amebi destbendkerdiş, bi serran têkoşîn kerd, 16ê sibate de dinyaya xo bedelnaye. Beno ke ewro cenazeya Amma Hourî bêro definkerdiş.

	&nbsp;

	Têkoşînê Amma Hourî

	&nbsp;

	Amma Hourî yew bi hezaran Belucî ke merdimê xo vînî kerdê ra ya, bi serran hem semedê lajê xo, hem zî semedê zanayîşê aqûbetê Belucê ke bi zorî ameyê vînîkerdiş, têkoşîn kerd. Amma Hourî Quetta ra heta Karaçî, Karaçî ra heta Îslamanad têkoşîn kerd. Aşma 2025ine de çalakîyê ke verê Kulubê medyayî yê Îslambadî de semedê vînîbîyayeyan ame organîzekerdiş, bi aşman serkêşî kerd. Aşma êlule ya vîyarte de semedê dîyarkerdişê aqûbetê vînîbîyayeyan û peynîkerdişê tedayê hemverê Belucan beşdarê rayîrşîyayîşo ke ame organîzekerdiş bî. Amma Hourî tîya de qisey kerdibî û vatibî: “Yê ke îqtîdarî ser o heqê qiseykerdişî nêdayî ma, nêzdîbîyayîşê cinawiran ma rê kerdî.”

	&nbsp;

	Amma Hourî, mîyanê bi desan cinîyê Belucî ke aqûbetê heskerdoxanê xo nêzanê, dinyaya xo bedelnayê de ca girewte.

	&nbsp;

	&nbsp;

	&nbsp;

	&nbsp;