Cinîyan şîn açarna têkoşîn 2026-01-24 10:32:53   Nazlican Nujîn Yildiz   ÎZMÎR - Endama Înîsiyatîfê Rêzdarîya hemverê Merde û Edaletî Burcu Çelîk Ozkan da zanayîş ke Kurdistan de şîn tu wext nêqedîyayo û cinîyan şînê xo vurnayê têkoşînêk girdî kerdî. Burcu Çelîk Ozkan wina va: “Her hedîseyê ke yenê ciwîyayene ganî ma hewl bidê têkoşînêk cinîyan ê girdî awan bikerê.”   Sîstemê serdestî yê camêrdî hemverê awankerdişê sîstemêk newe, semedê qirkerdişî pê bîyaro muracatê her rayîrî keno. Nimûne 6ê çeleyî ra Rojawan û Tirkîya de nê metodî verê çimanê heme dinya de yenê ciwîyayene. Şerê Rojawanî de HTŞ û çeteyê girêdayeyê Tirkîya îşkenceyan kenê û cenazeyan ser o hêriş kenê. Mûş de serra 2015ine de hemverê bedenê Ekîn Wan a YJA STARî de hêrişî ameyî kerdiş. No zîhnîyet ewro Rojawan de xo dano teber. Reaksîyonê hemverê hêrişan dewam keno û şînê îşkenceyê hemverê bedenê merdeyan zî kuçeyan de bi têkoşîno yeno dayîş de yeno girewtiş.   Endama Înîsiyatîfê Rêzdarîya hemverê Merde û Edaletî Burcu Çelîk Ozkan derheqê babete de qisey kerd û va hemverê nê de cinî û cimatî şînê xo vurnenê têkoşînêk gird.   ‘Kurdistan de tu wext şînî nêqedîyayî’   Burcu Çelîk Ozkan dîyar kerd ke panelê ke pê anê de binpaykerdişê hemverê cenazeyan munaqeşe kenê û va: “Ma demo ke bedenê cinîyan ser o dest bigîrê, şerrê ke yenê ciwîyayene de cinî raste rast hedef yenê girewtiş, cenazeyî zî nokteya ke eşkenê pêroyî înan xira bikerê de yê. Ganî ma nê esasî bi hawayêko zelal bidê orte, kesê dinyaya xo bedelnenê têkiliyê înan bi pêroyî na dinya ra qut benê. Yanî heme nimûneyê ke ma mojnenê de, ma Dayika Taybet, Ekîn Wan, Cemîle Çagirga û şervana Helebî nimûne danê. Nê de bi zaf hetî mesaj danê cinîyan. Nê hetê ma de tenya bedenê merdeyan nîyo. Heto bîn zî ganî ma keyeyê înan peygoş nêkerê. Bi nê caardişan mesaj danê merdim, keye û cimatî. No hewldayîşê çimtersnayîşî yo. Labelê ez eşkena bi rehetî vajî ke nê hêrişî nêqedîyayê. Cografyaya Kurdistanî de şîn tu wext nêqedîya. Şîn gane yo.”   ‘Ma hewl danê têkoşînê cinîyan tewr xurt bikerê’   Burcu Çelîk Ozkan dewamê qiseykerdişê xo de keyeyê kesê ke yenê qetilkerdiş û hêrişê hemverê bedenê înan yenê kerdiş, vernîya bikewê prosesê şînî dest bi têkoşînî kenê û wina va: “Semedê cenazeyî bêrê girewtiş, vernîya ziyan, yewîya bedenî bêro kerdiş, girewtişê cenazeyan nokteya muhîm de ya. Seserra 21ine de polîtîkaya şerrî, metodî, şiklê rejîmî, hacetê şuxulnayê, ziwanê şuxulnayê, çi heyf vînîbîyayeyê ma yê mende nêpawenê. Semedo ke napawenê zî ma do têkoşîn û xebatanê xo bidominê. Çîyê yenê ciwîyayene bêguman eşkenê bêrê dramatîzekerdiş labelê ma nê rast nêvînenê. Ma hewl danê ke her hedîseyê ke yenê ciwîyayene têkoşînê xo hîn zêde xurt bikerê. Cinî şînê xo bêveng nê, bi polîtîkîkerdiş û bi têkoşîn gênê.”