Avûkate Halîse Dakali: Rojawan de şerê zîhnîyetî yeno dayîş 2026-01-21 11:40:55   AMED – Avûkate Halîse Dakalî bale ant şerî ser û sûcê şerî yê Heleb û Rojawanî ser û va çîyê ameyê ciwîyayene netîceyê pêrodayîşê leşkerî nîyê, şerê zîhnîyetê yo ke yeno domnayene.   Hêrişê çeteyê HTŞî yê ke 6ê çeleyî de hemverê taxanê Şêxmeqsûd û Eşrefîye yê Helebî de dest pêkerdî pêro Vakur û Rojhelatê Sûrîye dewam kenê. Hêrişan de bi desine kesî ameyî qetilkerdiş, bi seyine kesî birîndar bîyî. Xoverdayîşê girdî hemverê hêrişan dewam keno û reaksîyonê hemverê bêvengîya sûcê merdimîye zî dewam keno.   ‘Çîyê Rojawan de yenê ciwîyayene şerrê zîhnîyetî yo’   Endama Komîsyona Cinîyan a Komeleya Huqûqnasanê semedê Azadîye (OHD) Halîse Dakalî hêrişê Heleb û Rojawanî û bêvengîya hemverê hêrişan ser o ercnayîş kerd. Halîse Dakalî da zanayîş ke raya pêroyî ya mîyanneteweyî hemverê sûcê merdimîye yê yenê kerdiş bêveng a û wina va: “Yê ke bîyayîşê xo binpaykerdişî ser o awan kenê, yê ke cinîyan sey hacetê binpaykerdişî vînenê, yê ke bi fehmê hegomonîk û bêdemokratîk xo domnenê, semedê berjewendîyê xo erjê merdimîye çin hesab kenê. Şero ke Rojawan de yeno domnayene tenya netîceyê polîtîkaya asayîşa hêzê leşkerî nîyo, eynî demî de nîşanê şerê zîhnîyetê yeno domnayene yo.”   ‘Hêrişî hemverê paradîgmaya azadîya cinî yê’   Halîse Dakalî dewam de dîyar kerd ke şarê Rojawanî ke paradîgmaya neteweya demokratîkRojhelatê Mîyanên de esas girewt, fehmê îdareyê hemverê demokratîk, merkezî û yewparêz red kenê û bi paradîgmaya azadîya cinî modelêk cuye pêşkêşê dinya kerdî. Halîse Dakalî wina ard ziwan: “No modelê Rojawanî yeno ciwîyayene sey tehdîd yeno dîyayene. Bêvengîya hêzê mîyanneteweyî hemverê sûcê şerî zî nê semedî ra yenê kerdiş. Peymanê heqê merdiman ganî nokteya ke heqê merdiman bipawê de bo. Labelê ewro peymana Cenevreyî û peymanê mîyanneteweyî semedê berjewendîyan yenê kerdiş.”   ‘Nê mekanîzmayî semedê kurdan nînê kerdiş’   Halîse Dakalî wina dewam kerd: “Semedê kurdan na rewşe newe nîya. Ganî mekanîzmayê mîyanneteweyî yê nînê kerdiş bêrê cipersayîş. Nê mekanîzmayê mîyanneteweyî semedê kurdan nînê kerdiş. Semedo ke nînê kerdiş sûcê merdimîye zî yenê kerdiş. Ma nê çimsûrî û caardişê bêmerdimîye xoverdayîşê taxanê Eşrefîye û Şêxmeqsûdî bi heme rastîyê xo dî.”   ‘Bêcezaverdayîş çeteyan rê zemîn viraşt’   Halîse Dakalî dîyar kerd ke hemverê sûcê şerê DAIŞî hemverê kurdan yeno kerdiş tu mekanîzmayêko huqûqî yê pêroyî yê mîyanneteweyî nêame kerdiş û ewro qirkerdişê Helebî yenê ciwîyayene, zemînê tewr gird semedê çeteyan ame awankerdiş. Halîse Dakalî ercnayîşê xo wina dewam kerd: “Hetêk ra çi beno wa bibo şerî yenê kerdiş de hedefgirewtişê cinîyan, teşhîrkerdişê bedenê cinîyan, netîceyê zihniyetê serdestî yê camêrdî yê bi se serran o. No netîceyê pratîkê şerê zîhnîyetê serdestî yê camêrdî yê hemverê heqîqeta cinî yo.”   ‘Hewldayîşê çinkerdişê heqîqetê cinî’   Halîse Dakalî wina peynîya qiseykerdişê xo ard: “Hemverê çinkerdişê heqîqetê cinî bi serran o têkoşînek azadîya cinîyan ê girdî est o. No têkoşînê azadîye heme dinya de vejêno orte. Heleb de caardişê hemverê cinîyan tenya şer nîyo. No caardişêk sey tehdîdêk ma hemine rê ame neqlkerdiş o. No sûcê hemverê merdimîye bi armancê çinkerdişê heqîqetê cinî yo. No netîceyê pratîkê zihniyetê serdestî yê camêrdî yo ke heqîqet û azadîya cinî hedef gêno.”