
Hemverê qirkerdişê Helebî kampanyaya îmzayan 

2026-01-16 14:10:56


	&nbsp;

	MERKEZÊ XEBERAN - Hemverê hêrişê kurdanê sivîlan ê Helebî ser o, semedê vindarnayîşê piştîdayîşê Ewropayî yê bi hukmatê demkî yê Sûrîye û bi waştişê piştîdayîşê bi kurdan kampanyaya îmzeyan sewîyeya mîyanneteweyî de dest pêkerd.

	&nbsp;

	Vilawika kampanyaye de ame neqlkerdiş ke komê çekdarî yê girêdayeyê dewleta tirkan taxanê Şêxmeqsûd û Eşrefîye yê Helebî bi rêk û pêk hêrişê sivîlan kerdî û polîtîkaya koçberkerdişî domnayî. Goreyê vilawike, netîceya hêrişî de nêzdîyê 150 hezar sivîlî wareyê xo ra bîyî, zafê kesî ameyî qetilkerdiş û binesazîyê sivîlî ziyan dî.

	&nbsp;

	Kampanyaya ke hetê pawitoxê heqê merdiman ê Fransayî û avûkate Zerrîn Bataray dest pêkerd, Yewîya Ewropayî de ame waştiş ke piştîdayîşê sîyasî û malî ke dano îdarekarîya demkî yê Sûrîye vindarno.

	&nbsp;

	Vilawike de îşaret bi rabirdûyê bi gonî yê El Colanî ame kerdiş û ame neqlkerdiş ke Tirkîya bi piştîdayîşê sîyasî û leşkerî yê bi komê çekdarî bîyê hemparê nê sûcî.

	&nbsp;

	Metnê kampanyaya de ame vatene, sere de kurdî hêrişê durzî û elewîyan ame kerdiş û hêrişê Helebî sûcê şerî û sûcê hemverê merdimîye yo.

	&nbsp;

	Kampanyaya de venga Ewropayî ame kerdiş ke piştîdayîşê malî û sîyasî yê semedê Colanî bêro betalkerdiş, piştîdayîşê Hêzê Sûrîye Demokratîkî rê bêro dayîş, caardişê berpirsyarê hêrişê hemverê sivîlan bêro ferzkerdiş û sûcdarê şerî mîyanneteweyî de bikewo binê cipersayîşî.

	&nbsp;

	&nbsp;

	&nbsp;

	&nbsp;