Îran de aşma kanûne de 96 kesî ameyî dardekerdiş 

2025-12-30 15:30:11


	 

	MERKEZÊ XEBERAN - Kampanyaya “Cezaya îdamî ya Roja Sêşeme rê Nê” dîyar kerd ke aşma kanûne de Zîndanê Wekîl Abadî yê Meşhedî de 96 tepişteyî ameyî îdamkerdiş û cezaya îdamî zî semedê 2 tepişteyê sîyasî ameya birnayene.

	 

	Kampanyaya “Cezaya îdamî ya Roja Sêşemî rê Nê” hewteyê 101ine de ya. Bi nê munasebetî kampanya eşkerayîyêke weşan kerd.

	 

	Eşkerayîye de ame vatene ke aşma kanûne de 96 tepişteyê ke Zîndanê Wekîl Abadî yê Meşhedî de bîy ameyê îdamkerdiş û ame vatene; “Dima ra di tepişteyê sîyasî yê kurdan ê bi nameyê Mehrab Ebdulzade û Yunis Bexşî cezaya idamî ameye birnayene.”

	 

	Goreyê eşkerayîye 2 rojî yo şarê Tehranî hemverê zordarîya hukmatî meydanan de yo û ame vatene; “No rayîrşîyayîş zî vilayê zaf bajarê bînan bîyo. Sewbîna dewleta îdamkere, prosesê bêvengkerdiş û îdamkerdişî yê semedê pawitişê serewedaritişan hîra kerd.”