Kiştişê Rojda Yakişikli ame şermezarkerdiş 

2025-12-29 15:35:35


	 

	MERKEZÊ XEBERAN - EŞÎK qetilkerdişê Rojda Yakişikli şermezar kerd û va: “Cuya cinîyan nêeşkena bibo babeta efûyêk eşkere yan nimite. Cuya ma, heqê ma, xeyalê ma nêeşkenê qanûnanê kisîkî de bêrê girewtiş. Vera paketanê neweyî ganî polîtîkayanê ke heqê cuyayîşê cinîyan pawenê bêrê vecîyayîş.”

	 

	Dimayê vecîyayîşê 11ine Paketa Edaletî Amed de Rojda Yakişikli ameye qetilkerdiş. Derheqê qetilkerdişî de Platformê Cinîyan ê Semedê Têduştîye (EŞÎK) eşkerayîyêka nuşteyî da.

	 

	Eşkerayîye de wina ame vatene: “Ma zaf rey pêro berpirsyaran rê neql kerd ke no qanûn heqê cuyayîşê cinîyan tehdîd keno. Semedo ke cinî nînê pawitiş, ma hewl danê ke ma înan ser o tedbirê lezgîn yê ke eşkenê bigîrê agahdar bikerê. Ma vengdayîşê ma yê verênan de ercnayîşê xo kerdbî. Ma şîdetê camêrdan sey rejîmêko bêcezakerdişî biname kerd. No rejîm her ke şino beno polîtîkaya dewlete. Wezîfeyê dewlete pawitişê şîdetê hemverê cinîyan o. Polîtîkayanê bêcezakerdişî cesaret dano kerdoxan.

	 

	Cuya cinîyan nêeşkena bibo babeta efûyêk eşkere yan nimite. Cuya ma, heqê ma, xeyalê ma nêeşkenê qanûnanê kisîkî de bêrê girewtiş. Vera paketanê neweyî ganî polîtîkayanê ke heqê cuyayîşê cinîyan pawênê bêrê vecîyayîş.”