Heyetê Îdareyê Merkezî yê DEM Partî kom bi

2025-12-24 11:28:46


	 

	AMED - Heyetê Îdareyê Merkezî yê DEM Partî, derheqê serdayîşê peyîn yê Heyetê DEM Partîye yê Îmraliyî, raporê partîyê sîyasî ke pêşkeşê Komîsyonî kerdî û bernameyê aşma çele de kom bî.

	 

	Heyetê Îdareyê Merkezî (MYK) yê Partîya Têduştî û Demokrasî (DEM Partî) bi serekîya Hemserekê Pêroyî Tulay Hatîmogullari û Tuncer Bakirhan, merkezê pêroyî yê partî de kom bî.

	 

	Ame zanayîş ke kombîyayîş de babetê sey; serdayîşê peyîn yê Heyetê DEM Partîye yê Îmraliyî, raporê partîyê sîyasî ke pêşkeşî Komîsyonî kerdê, geşedanê peyîn yê proseyê Aştî û Cimatê Demokratîkî, erjnayîşê pêroyî yê serra 2025ine, sere de Sûrîya û geşedanê Rojhelata Mîyanên, meaşê kêmî û kampanyaya “Semedê Nan û Aştî budçe yê DEM Partî” û plansazîyê aşma çeleyî bêrê ercnayîş û munaqeşeyî bêrê kerdiş.