
Dayîka Cemîle Cagirga pêwa pêro dejan waştişê aştîye kena

2025-12-18 10:17:19


	&nbsp;

	Neslîhan Kardaş

	&nbsp;

	ŞIRNEX – Cemîle Çagirga ya 12 serrî qedexeyê vecîyayîşê teberî de ameye qetilkerdiş, cenazeya aye 3 rojî dolaba qeşayî de ameye vindartiş. Dayîka aye Emîne Çagirga da zanayîş ke pêwa pêro nê dejî zî aştîye wazena.

	&nbsp;

	Qedexeyê vecîyayîşê teberî yê 2015ine ke Cizîr de ame îlankerdişî de zaf merdimî dinyaya xo bedelnayî. Qedexeyan de yew babeta ke tewr zêde veng arde qetilkerdişê Cemîle Çagirga ya 12 serrî bî.

	&nbsp;

	Cemîle Çagirga verê keyeyê xo hetê polîsanê taybetîyan ra ameye qetilkerdiş. Pêwa waştişê keye yê ambulanse, ambulanse nêamî şirawitiş û dayîka aye cenazeya kênaya xo bi rojan dolaba qeşayî de nimite.

	&nbsp;

	Merdiş û vîndbîyayîşê keyeyê Çagirga tena bi Cemîle Çagirga sînor nîyo. Serranê 90î ra heta nika keye bi zaf tedayan û hêrişan rî bi rî mend. Mîyanê kesanê ke keye de ameyê qetilkerdişî de waya Cemîle Çagirga Emîne Çagirga ya ke 10 serrî bî zî est a.

	&nbsp;

	Dayîka Cemîle Çagirga Emîne Çagirga da zanayîş ke pêwa 10 serrî derbas bîyo zî dejê înan hema teze yo.

	&nbsp;

	1992ine de kênaya aye Fatma ameye qetilkerdiş

	&nbsp;

	Emîne Çagirga dîyar kerd ke çi bivajê zî tu çî qîm qalê kerdişî nêkeno û va: “1992ine de hêrişê keyeyê ma kerdî. Keyeyê ma ra 7 merdimî ameyê qetilkerdiş û 7 merdimî birîndar bî. Kênaya mi Fatma 10 serre bî. Cizîr de hêriş estbî. Semedo ke ma xo bipawê ma kewtî bodrumê keyeyê xo. Dewlete hêrişê ke kerdî waştêne bierzo PKK’yî ser. A roje ra nata mêrdeyê mi bi desine rey ame tepiştiş.”

	&nbsp;

	‘Ma nêzanayêne do Cizîre wêran bikerê’

	&nbsp;

	Emîne Çagirga eşkera kerd ke qedexeyê vecîyayîşê teberî de kênaya aye Cemîle Çagirga 12 serrî bîye û wina qal kerd: “Kênaya mi hem şîyîne dibistane hem şîyîne qursê Quranî. Rojêke camî ra ameye û va qedexe ameyo îlankerdiş. Ma ewil bawer nêkerd. Ma nêzanayêne do Cizîre wêran bikerê. Taxa ma de çî çin bî. Taxa Nurî de pêrodayîşî estbî.”

	&nbsp;

	‘Keyeyê ma gulevaran kerdî, kênaya mi qetil kerdî’

	&nbsp;

	Emîne Çagirga dewam de wina qal kerd: “Ma rojê yewine qedexeyî de cîranan dir hewşê ma de bî. Ma ser o guleyî ameyî varayîş. Dimayê hêrişî her kes cayêk vila bi, kênaya mi Cemîle verê berî de kewte. Mi hîrê rey venga kênaya xo da. Veng aye ra nêame. Peynî de va ‘ay dayê’ û dinyaya xo bedelnaye. Ma kênaya xo ard zere. Mêrdeyê mi ame keye. Keyeyê ma gulevaran kerdêne, kênaya mi qetil kerdî. Hewa zaf germ bî. Ma nêzanayêne ma se bikerê. Ma parçeyê cemedî bedena aye ser o da ro. Ma emnîyetî, dozgerî gêrayî. Labelê ambulans nêşirawitî. Vatêne qedexe est o, ma nêeşkenê bişirawê.”

	&nbsp;

	‘Hîrê rojî dolaba qeşayî de mende’

	&nbsp;

	Emîne Çagirga dej û bêçaretîyê a roje wina qal kerd: “Ma bêçare mendî. Ma kênaya mi berd banyo, ma aye şut. Kênaya mi hene ra hes kerdêne. Ma hene dest û porê aye rê kerd. Ma kefen kerd. Ma betanî ci gêrna. Ma cîranan ra dolaba qeşa waşt. Ma cenaze kerd mîyanê dolaba qeşayî. Ma her cayî gêrayî. Dimayê hîrê rojan vatî ambulans do bêro bigîro. Lajê mi demo ke cenazeya waya xo berdêne zî gule varnayî. Kênaya mi girewtî berdî Şirnex. Dimayê hîrê rojan gêrayî û vatî do ewro defin bikerê. Ma qebûl nêkerd. Dimayê 9 rojan qedexe qedîya ma cenaze defin kerde.”

	&nbsp;

	‘PKK’yî gamê lazimî eştê’

	&nbsp;

	Emîne Çagirga wina peynî ard: “Ma zaf dej ant. Dejê ma tena yew nîyo. Nika prosesêk aştîye est o. Pêwa pêro nê dejî zî ma vanê êdî bes o, ma aştîye wazenê. Wa tu dayîke dej meanco. Ma pêro wayê û bira yê.”

	&nbsp;