
Bexda de hemverê şîdetî de rayîrşîyayîşêk organîze bi 

2025-11-29 13:50:45


	&nbsp;

	MERKEZÊ XEBERAN - Bexda de çarçeweya çalakîyanê hamleyê 16-rojî yê têkoşînê hemverê şîdetê cinîyan ser de, hetê piştîdayîşê NADA’yî ra bi tewrbîyayîşê rêxistin û toranê cinîyan ê mîyanênî û herêmî protestoyêk ame organîzekerdiş.

	&nbsp;

	Destpêkerdişê çalakîyanê hamleyê 16-rojî yê têkoşînê hemverê şîdetîya cinîyan ser, piştîdayîşê NADA’yî Iraq de bi rêxistin û toranê cinîyan ê mîyanênî û herêmî, vizêr merkezê Bexdayî de protestoyêk viraşt. Armancê protestoyî baleantişê şiklê şîdetê hemverê cinîyan ser û waştiş kerd ke lezkî qanûnê heqanê cinîyan pawenê bêrê sererastkerdiş.

	&nbsp;

	Welatijî waştiş kerdî ke vurnayîşê ke Qanûnê Rewşa Kesî de ame kerdiş bêrê wedaritiş û qanûnê vernîgirewtişê şîdetî yê keyeyî bêrê viraştiş. Destnîşan kerde ke ganî lezkî qanûnê pawitişê heqanê cinîyan û tutan bêrê sererastkerdiş û semedê aramîya keyeyanê Iraqî xebatî bêrê kerdiş. Welatijî sloganan berz kerdî û şîdetê hemverê cinîyan şermezar kerdî.

	&nbsp;

	Erjê vatişî yo ke hamleyê mîyanneteweyî yê semedê vernîgirewtişê şîdetê hemverê cinîyan ê 16 rojan, 25ê teşrîna peyêne ra heta 10ê kanûne Roja Mîyanneteweyî ya Heqanê Merdiman do bidomîyo. Hamleyê emser bi sloganê, “Semedê peynîardişê şîdetê dîjîtalî hemverê heme cinî û tutanê kênekan pîya bigîrê” bale antî lazimîya vernîgirewtişê şiklê şîdetîya dîjîtalî ser.

	&nbsp;