Cinî atolyeyê hişyarî de ameyî têhet

2025-11-26 14:42:02


	 

	 

	AMED – Atolyeyanê hişyarîyê ke Şaredarîya Amedî ya Şaristanê Girdî çarçewaya 25ê Teşrîna Peyêne de Merkezê Cuya Cinîyan organîze kerd, derheqê tewirê şîdetî de malûmatî ameyî parekerdiş.

	 

	Xebatê hişyarî ke serekîya Midurîya Xizmetê Cinî û Keyeyî çarçewaya 25ê Teşrîna Peyêne Roja Têkoşînê Hemverê Şîdetê Cinîyan ê Mîyanneteweyî dest pêkerdî, domnenê. 120 cinî beşdarî atolyeyan bîyî ke Merkezê Cuya Cinîyan ê Quçayî sey 3 komî, Merkezê Cuya Cinîyan ê Ben û Senî sey 2 komî û Merkezê Cuya Cinîyan ê Lalebeyî zî sey 1 kom ameyî îdarekerdiş, bî.

	 

	Derheqê tewirê şîdetî de malûmatî ameyî parekerdiş

	 

	Atolyeyan ke malûmatê hîra yê derheqê hetanê cîyayî yê şîdetê cinîyan ser ameyî parekerdiş; pêwa şîdetê fîzîkî, derheqê tewirê şîdetê psîkolojîk û dîjîtal ê ke roja ma ya ewro de zêdeyêr benê de hişyarî ame awankerdiş.

	 

	Atolyeyan de ame vatene ke şîdetê psîkolojîk têgêrayîşê ke qijvistişî, tehdîdkerdişî, kontrolkerdiş, îzolekerdiş, zirardayîşê bawerîya bi xo û manîpulasyonê hîsgêrî hewêneno û bale ame antene ke nê tewirê şîdetî eşkenê sey şîdetê fîzîkî tesîrê rijnaye awan bikerê. Beşdaran rê ame neqlkerdiş ke şîdetê psîkolojîk cuya rojane de reyan bi nêferqkerdişî dewam keno û derheqê metodê têkoşînê hemverê de malûmatî ameyî dayene.

	 

	Atolyeyan ke babeta şîdetê dîjîtal ya ke pê vilabîyayîşê teknolojîye zêde bîyo zî ame destgirewtiş, ame destnîşankerdiş ke şîdetê dîjîtal eşkeno bi metodê cîya sey parekerdişê malûmatê şexsî yê bêdestur, mesajê bi armancê tehdîdkerdişî, tacîzê medyaya dîjîtale ser, taqîbkerdişî aktîf û zirardayîşê îtîbarê aktîf vejîyê meydan.

	 

	Atolyeyan de mekanîzmayê ke cinî eşkenê hemverê şîdetî piştîdayîş bigîrê zî ameyî vatene, derheqê merkezê piştîdayîşê şaredarîyan û xizmetê ke sazîyê eleqedaran pêşkêş kenê de malûmatdayîşêko hîra ame kerdene. Atolyeyan rê rastê eleqeyêko gird ame, cinîyan vîrameyîşê xo parekerdî.