Xwebûn bi manşetê ‘Komara Şaran’ vejîya

2025-10-27 15:31:48


	 

	 

	AMED – Rojnameyê Xwebûnî hûmara xo yê 306ine de bi manşetê “Komara şaran” vejîya.

	 

	Rojnameyê Xwebûnî no hewte hûmara xo ya 306ine de bi manşetê “Komara şaran” kewt destê wendekaranê xo. Rojname, bi nuşteyê lehçeyê kirmancî ke merkezê xeberan amade kerdo, bale ant polîtîkayanê Komara Tirkîya yê red û înkarî ke 100 serrî verê cû şarê kurdî ser dest pêkerdibi û prosesê ke 100 serrî ra dima Rayberê Şarê Kurdî Abdullah Ocalanî dest pêkerd wextêkê tarîxî sey fersendêk ercna.

	 

	Roportajê no hewte zî hetê Mehmet Alî Ertaşî derheqê operasyonê qirkerdişê sîyasî sîyasetkar û temsîlkarê DEM Partî yê Almanyayî Faysal Sariyildizî ame kerdiş.

	 

	Sewbîna hûmare nuştoxanê no hewte; Sorgul Şêxo, Axîn Koçer, Medya Bal, Seyîdxan Anter, Arslan Ozdemîr, Felemez Ûlûg, Hisên Çatikkaş, H. Halît Alaçati, Medenî Ferho, Ahmet Aktaş, Mûsa Şanak, Cemîle Turhalli, Dildarê Amedî, Abdullah Ongullu Şêrwî û Rohat Bulut rojname de ca gênê.

	 

	Reyna rojname, bi xeber û analîzanê xo, bi dosya û nuştanê xo, meselanê cinîyan, sîyasî, polîtîk, kulturî, ziwan, edebîyat, qomîk bigîre û komelî ra bigîre zaf meselanê muhîman gêno dest. Heto bîn ra bi xebatanê cigêrayîş û zanistî bi zaf meselanê muhîman bale wendekeran anceno.