Hêrişê Îsraîlî de 99 kesî ameyî qetilkerdiş

2025-09-18 14:31:41


	 

	 

	MERKEZÊ XEBERAN - Goreyê ajansê xeberan ê Filistînî mîyanê 24 saetan de netîceya bombevaran û topbaranê hêzê Îsraîlî yê hemverê Gazzeyî de 99 kesî ameyî kiştiş.

	 

	Ajansê Xeberan ê Filistînî (WAFA) çimeyê weşîye neql kerd ke mîyanê 24 saetan de netîceya bombavaran û topvaranê hêzê Îsraîlî yê hemverê herêma Gazzeyî de 99 kesî ameyî kiştiş. 

	 

	Çimeyî dîyar kerd ke mîyanê kiştişan de 77 kesî vakurê herême ra yê. 48 cenaze berdî Nêweşxaneyê El Şifa, 20 Nêweşxaneyê El Ehlî El Erebî, 6 Nêweşxaneyê El Qudis, 3 Nêweşxaneyê El Seraya, 3 berdê Nêweşxaneyê El Ewda, yew berdê Nêweşxaneyê El Eqsa û 18 berdê Nêweşxaneyê Nasir.

	 

	Ame vatiş ke bombavaran û topvaran herêmê cîya de pê ameyî, mîyanê cayê ke hedef ameyê girewtiş de kampê koçberan, keye, awanîyê berzî û kombîyayîşê sivîlan de paweyê hetkarî est ê.