Perspektîfo ke Îmrali ra ameyo: Ver bi komelê  demokratîkî

2025-09-17 11:27:01


	 

	 

	Pelşîn Çetinkaya

	 

	AMED - Sîyasetmedare Gulser Yildirim derheqê vengdayîşê ‘Aştî û komelê demokratîkî’ yê Rayberê Şarê Kurdî Abdullah Ocalanî 27ê Sibate de kerd de qisey kerd û dîyar kerd ke no fehm semedê peynîbîyayîşê pêrodayîş û caardişê aştîye ferz o.

	 

	Rayberê Şarê Kurdî Abdulallah Ocalanî 27ê Sibate de vengdayîşê ‘Aştî û komelê demokratîkî’ kerd û dîyar kerd ke çareserîya krîzê Rojhelatê Mîyanên de giran bîyo, bi demokrasî û îradeyê xoserî yê şaran mumkin o. Abdullah Ocalanî eşkerayîya xo de dîyar kerd ke îdareyê xo sepernenê otorîteyê merkezî nêeşkenê xo dewam bikerê. No fehm ke vurnayîşê komelî yo, tena Rojhelatê Mîyanên dinya sey xelasîya şaran yeno vînayîş.

	 

	Sîyasetmedare Gulser Yildirime, derheqê fehmê ‘komelê demokratîkî’ yê vengdayîşî ser o qisey kerd.

	 

	Hemverê zilm û înkarî de têkoşîn

	 

	Gulser Yildirim dîyar kerd ke proses hetê Rayberê Şarê Kurdî Abdullah Ocalanî ra ameyo destpêkerdiş xeylêk bierj o û va: “La ganî ma nê muhtewa pirr bikerê. Wexto ke vengdayîş ame kerdiş, ma Amed de bî. Ma a roje va, eke demê têkoşînê çekdarî dest pêkerd, zemînê wareyê demokratîkî bibayîne û şarê ma xo îfade bikerdêne, do hewce bi çekan zî nêameyîne kerdiş. O wext ma tutî bî. Bi darbeyê 12ê êlule, tena kurdî nê, pêro komel muxalefet binê zext û zilmî de bî. Îşkence, qetilkerdiş, kiştiş, talankerdiş, koçberkerdiş. Nê semedî ra zî komel kewt mîyanê xopawitişî. Şarê kurdî zî semedo ke çin ame hesibnayîş, xo ver dayî.”

	 

	‘Hemverê şerî de fehmê komelê demokratîkî’

	 

	Gulser Yildirim dîyar kerd ke şero bîyaye bi serran o tesîrêk pîl şaran ser o keno û Gulser Yildirim nê çî va: “50 serrî yo ne têgêrayîşê azadîya kurde, ne zî dewleta tirke qedîya. Problem hîna zêde giran bi. Birînî hema kûr ê, komel, hema çinbîyayîşî dir rî bi rî yo. Şer; kultur, wijdanan çin keno. Îqtîdar nê ra wey beno. Xirabiyan meşrû kenê. Şer sîstemî rê xizmet keno. Ewro bîyayîşê kurdan hetê dewlete û dinya ra ameyo qebûlkerdiş. Nika ganî prosesê têkoşînê demokratîkî û rêxistinbîyayîşî bêro destpêkerdiş.”

	 

	‘Polîtîkayê dewlete hêvî şiknenê’

	 

	Gulser Yildirim wina peynî ard: “PKK’yî dimayê vengdayîşê gamê muhîmî eştî. La hema dewlete hemverê nê de polîtîkayanê xo dewam kena. Veşnayîşê çekan ê PKK’yî cewabêk pîl ê semedê vengdayîşî yo. La hema îqtîdar zextê xo partîyê muxalefetî ser o, DEM Partî, HDP’yî ser o dewam keno. Qeyûman tayîn keno. No zî hêvîya vurnayîşê demokratîkî şikineno. Têgêrayîşê azadîye û şarê kurdî prosesî de zerrî ra yo. Hedef oyo ke felsefeyê komelî ke nasnameyê cinî xurt keno yo. Ma do têkoşînê xo heta peynî dewam bikerê.”