‘Xebatê makeqanûnî ganî cinî û pêro nasnameyan bihewêno’

2025-09-16 10:48:37


	 

	
		 
	
		 
	
		MÊRDÎN – Cinî derheqê xebata "Komîsyonê Cinî û Huqûqî yê Awankerdişê Aştî de" vatî, "Ma qetî kenê ke lazimî est a ke destûrêk ser o rayîr dano cinî û pêro nasnameyan ke bîyayîşê xo dewam bikerê, xebate bêro kerdiş."
	
		 
	
		Vengdayîşê Rayberê Şarê Kurdî Abdullah Ocalanî yê 27ê Sibate yê semedê "Aştî û Komelê Demokratîkî" çarçewaya seserra diyîn ê komare de bî sebebê munaqeşeyê serê destûrê bingehîn ê neweyî. Cinîyan bi serkêşîya Têgêrayîşê Cinîyanê Azadan (TJA), 24ê Tebaxê de "Komîsyonê Cinî û Huqûqî yê Awankerdişê Aştîye de" îlan kerdî ke aştî awan bikerê û çareserîya demokratîkî yê meseleya kurdî çareser bikerê.
	
		 
	
		Komîsyonî, cigêrayîşî xo yê yewine ê Mêrdînî bi sloganê "Bêqanûn çareserî nêbeno, bêcinî qanûn zî nêbeno" pê ard, cinîyê ke beşdarî cigêrayîşî bî JINNEWS'î rê ercnayîş kerdî.
	
		 
	
		'Cinî ayê ke tewr zêde aştî wazenê yê'
	
		 
	
		Aslîhan Sezer, endama Şaxa Mêrdînî ya Sendîkaya Perwerdeyî ya wina va, "Ma bawer kenê ke nê bingehî ser o vurnayîşî do destûrî de bêrê kerdiş. Çekî ameyê ronayîş, la do bi qedexe û vurnayîşê destûrî çi bibo? Şar paweyê cewabî yo. Çi heyf, gamê somutî çinbê, bawerîya ma bi aştî ra qels manena. Ma wazenê ke cinî bi hawayêko çalak beşdarê plansazî bibê û astengî vernîya înan wedarnê. Hûmara cinîyan komîsyon de kêmî ya û ma nê kombîyayîşî de behs kerd. Ma hûmatêk pîl ê cinîyan wazenê û bawer kenê ke nêzdîbîyayîşêk merkezî cinîyan ser o lazim o. Cinî êyê ke tewr zêde aştî wazenê."
	
		 
	
		'Eke ma bibê yew, ma do gamê bihêz bierzê'
	
		 
	
		Aslîhan Sezer dewam de wina va, "Ma wazenê rêxistinê bêhukmî, komele, partîyê sîyasî û siyasetmedarê cinî yê paşxaneyê cîya beşdar bibê, peygoş nêkerê. Xelasîya cinîyan babetêka ke pêrune gêna mîyanê xo. Nê semedî ra ma hêvî kenê ke parlamenter û karmendê cinî yê partîyê bînî yê sîyasî tewr zêde beşdar bibê. Ma şer kenê, la eke ma bi hûmarêke pîlêr bibê yew, ma do gamê bihêzêr û saxlem bierzê. Ez tîya ra venga parlamenterê cinî û şaxê cinîyan kena: Bêrê ma çi hewce bo bikerê ke heqê xo yê ma bi dest kerd, waştiş bikerê."
	
		 
	
		'Prosesêk aştî bêcinîyan nîno xeyalkerdiş'
	
		 
	
		Jiyan Abdulsametoglu ard vîr ke prensîbê beşdarbîyayîş ke yew çar prensîbê bingehîn yê qerarê 1325ê Konseya Asayîşî yê Neteweyê Yewbîye yo ke Tirkîya zî îmza kerda, armanc kena ke beşdarîya cinîyan operasyonê aştîye yê Neteweyê Yewbîye de zêde bikero. Jiyan Abdulsametoglu qetî kerd ke prosesêk aştî bêbeşdarîya cinîyan nîno xeyalkerdiş û dîyar kerd ke Tirkîya hîn planêk çalakî amade nêkerdî.
	
		 
	
		'Ganî fek caardişê keyfî ra vera bidê'
	
		 
	
		Jiyan Abdulsametoglu qetî kerd lazimîya vurnayîşî destûrê kerd û va: "Meseleya kurdî problemêk ke bi çend prensîbê zaf bingehîn eşkeno bêro çareserkerdiş. Nê semedî ra sey cinî ma qetî kenê ke eke hukmat samîmî bo, ganî qanûnî bêrê bicaardiş, ganî caardişê keyfî bêrê teriknayîş û ganî bi lez û bez xebate bêro kerdiş ke destûrêk bêrê averşîyayîşêk ke destûr dano cinî û pêro nasnameyan ke bîyayîşê xo dewam bikero."