Riha de mergê bişik yê tutêk 

2025-06-28 14:47:24


	 

	 

	RIHA - Qezaya Xelîliye de tuto ke nameyê ci nêame zanayîş, bi hawayêko şik cayêk berz ra gina erd ro û dinyaya xo bedelnaye.

	 

	Qezaya Xelîlîye ya Riha de taxa Şair Nabi de tutêk 17 serre qatê çarine ra bi hawayêko şik gina erd ro û dinyaya xo bedelnaye.

	 

	Ekîba weşîye ke ameye cayê hedîse cenazeya tutî berd morgê Sazgehê Tibê Edlî (ATK) û derheqê hedîse de cipersayîş dîya destpêkerdiş.

	 

	Heto bîn ra goreyê îdîayê cîranan, vizêr şan de heta ereyê şewe, keyeyo ke tut tede ciwîyayo de vengê qîrayîşan ameyê.