
Mabêne Îdareyê Xoserî û îdareyê demkî de pêkerdiş

2025-06-02 14:53:29


	&nbsp;

	&nbsp;

	MERKEZÊ XEBERAN - Heyetê Îdarekarê Xoserîyê Demokratîke yê Bakur û Rojhelatê Sûrîye û heyetê îdareyê demkî xeylêk babetan ser o munaqeşe kerdê, pê kerdî. Eşkerayîya hembeş ê fermî yê badê kombîyayîş de 4 madeyê sereyîn estbî.

	&nbsp;

	Paytextê Şamî de heyetê Bakur û Rojhelatê Sûrîye û îdareyê demkî yê Sûrîye kom bî. No kombîyayîş çarçewaya taqîbkerdişê caardişê bendê peymana 10ê Adare ya mabêne QSD’yî û îdareyê demkî ame îmzakerdiş de, pê ame.

	&nbsp;

	Kombîyayîş de Heyetê Rojawanî û heyetê Şamî nîqaşanê xeylê babetan de xeylê madeyan ser o pêkerd.

	&nbsp;

	Heyetan eşkerayîyêka hempare daye û nê madeyî rêz kerdî:

	&nbsp;

	* Seba caardişê peymane ganî komîteyê hemparî û dosyayê perwerdeyî bêrê awankerdene.

	&nbsp;

	* Ganî meseleyê serê îmtîhanan û merkezanê îmtîhanan û heqê wendekaran û perwerdeyî bêrê çareserkerdene.

	&nbsp;

	* Seba ke şaro koçber abigêro waranê xo ganî mekanîzmayî bêrê awankerdene û astengîyî bêrê wedaritene.

	&nbsp;

	* Dosyaya taxanê Eşrefîyê û Şêxmeqsûdî wa newe ra aktîf biba û nê cayan de aramîye û haştîya komelkîye bêra caardene.

	&nbsp;

	Heyetan da zanayene ke dîyalogî do dewam bikerê û nêzdî de kombîyayîşê çapemenîye yo hempar bêro kerdene.

	&nbsp;

	&nbsp;

	&nbsp;