
Xwendekarên Dêrikê: Perwerdeya bi zimanê Kurdî mafê me ye

2026-11-01 14:54:27


	&nbsp;

	
		NAVENDA NÛÇEYAN - Xwendekarên Dêrikê nerazîbûna xwe der bare biryara Wezareta Perwerdeyê ya hikûmeta veguhêz ya sînordarkirina perwerdehiya bi zimanê Kurdî bi 3 dersan di hefteyê de anîn ziman û daxwaz kirin ku xwendin li dibistanan bi Kurdî be.
	
		&nbsp;
	
		Îro, xwendekarên bajarê Dêrikê daxuyaniyek dan û daxwaza mafê xwe yê fêrbûna bi Kurdî kirin. Daxuyanî ji hêla xwendekar Sîma Derwîş ve li ber nevenda perwerdehiyê ya bajêr bi Kurdî hate xwendin.
	
		&nbsp;
	
		Di daxuyaniyê de hat destnîşankirin ku xwendekarên Kurd daxwaz dikin ku perwerde li dibistanan bi zimanê bi Kurdî be û nerazîbûna xwe li hember biryara Wezareta Perwerdeyê ya ku wan mecbûr dike ku di dibistanan de bi zimanekî ji bilî zimanê xwe yê dayikê bixwînin, anîn ziman.
	
		&nbsp;
	
		Daxuyaniyê diyar kir ku daxwazên xwendekaran dijminatiya li hember ti zimanekî din nîşan nadin, lê belê di çarçoveya parastina mafê wan ê fêrbûna bi zimanê xwe yê dayikê de ne.&nbsp;


	&nbsp;