Kongra Star ji bo perwerdeya bi zimanê dayikê bang kir

2026-09-29 15:06:31


	 

	NAVENDA NÛÇEYAN -Kongra Star diyar kir ku divê xwendekarên Kurd bikaribin bi zimanê xwe yê dayikê fêr bibin, ligel xurtkirina hebûna zimanê Kurdî di saziyên cûrbecûr de, bi taybetî di saziyên perwerdeyê de.

	 

	Kongra Star îro, bi beşdariya endamên sazî û meclisên sivîl ên li Dirbêsiyê daxuyaniyek da. Daxuyanî bi zimanê Kurdî ji hêla endama Kongra Star Aya Hisên û bi zimanê Erebî ji hêla endama Kongrê Fatma Kelaş ve hate xwendin.

	 

	Daxuyaniyê destnîşan kir ku tevlîkirina zimanê Kurdî di rêbazên perwerdeyê de gavek erênî ye, lê ew bi tevahî daxwazên têkildarî perwerdeya bi zimanê dayikê pêk nayne. Her wiha diyar kir ku veqetandina 3 dersan heftane ji bo zimanê Kurdî nagihîje asta naskirina rastîn a mafê gelê Kurd ê perwerdeya bi zimanê dayikê.

	 

	Daxuyaniyê her wiha diyar kir ku amadekirina rêbazên bi zimanê Kurdî dikare bibe alîkar ku girêdana zarokan bi zimanê wan re xurt bibe û hebûna wê di saziyên perwerdeyê de zêde bike, lê bi tena serê xwe ne bes e ku mafê tevahî yê perwerdehiya bi zimanê dayikê garantî bike.

	 

	Kongra Star banga pejirandina zimanê Kurdî wekî zimanê sereke di pêvajoya perwerdeyê de li deverên ku Kurd lê dijîn kir.