Li Hesekê çalakiyên 3 rojan ên piştgiriya YPJˊê bi dawî bûn

2026-05-11 20:01:01


	 

	HESEKÊ -Tevgera Hîlala Zerîn a Hesekê, di çarçoveya rêzeçalakiyên wêjeyî û hunerî de ku ji aliyê Nivîsgeha Jinan a Yekitiya Rewşenbîrên Cizîrê ve hatine organîzekirin û 3 rojan li pey hev dom kirin, hejmarek ji çalakiyên hunerî pêşkêş kirin.

	 

	Di çarçoveya Kampanyaya "Em Hemû YPJ ne" û "YPJ hebûna me ye" de ku ji aliyê Platforma Çalakiyên Hevbeş ên Tevger û Rêxistinên Jinan ên Rojava ve hatiye ragihandin, Nivîsgeha Jinan a Yekitiya Rewşenbîrên Cizîrê bi hevkariya Meclisa Jinan a Tevgera Civaka Demokratîk (TEV-DEM) çalakiyek hunerî û şanoyî li Hesekê li dar xist. Çalakî ji bo 3 rojan hatin lidarxistin.

	 

	Di çalakiya li Parka Xwendinê ya Hesekê hate lidarxistin de Tevgera Hîlala Zêrîn şanoyek pêşkêş kir û stran gotin.

	 

	Nûnerên ji Yekitiya Kedkaran, Yekitiya Rewşenbîran, Tevgera Hîlala Zêrîn a Çand û Hunerê di çalakiyê de amade bûn. Di bernameya çalakiyê de çano û stran hatin pêşkêşkirin, bal kişandin ser rola jinê di parastina civakê de.

	 

	Koma Darsîn a Şanoyê, Koma Girstêrk a Stranan hunerên xwe pêşkêş kirin.

	 

	Çalakiyên bi piştgiriya YPJˊê 3 rojan dewam kirin. Roja yekê şevbuhêra helbestê, roja duyê panela diyalogê ya li ser rola jinan di yekîneyên leşkerî de û roja dawî jî şano û stran hatin pêşkêşkirin.