Sabahat Tuncel û 3 ciwan hatin binçavkirin

2026-04-05 15:34:28


	 

	STENBOL - Aktîvîsta TJA û Parlementera berê ya Partiya Aştî û Demokrasiyê (BDP) Sabahat Tuncel û 3 ciwan hatin binçavkirin. Hate zanîn ku Sabahat Tuncel bi hinceta ku destûr nedaye polîs postera Abdullah Ocalan daxin, hatiye binçavkirin.

	 

	Aktîvîsta Tevgera Jinên Azad (TJA) û Parlementera berê ya Partiya Aştî û Demokrasiyê (BDP) Sabahat Tuncel û û 3 ciwanên ku tev li pîrozbahiya ji hêla Platforma Saziyên Demokratîk a Stenbolê ve li navçeya Kuçukçekmeceya Stenbolê hate pêkaanîn bû, hatin binçavkirin. Sabahat Tuncel dema piştî pîrozbahiyê ji qadê veqetiya ji hêla polîsan ve hate binçavkirin.

	 

	Sedem destûrnedana daxistina wêneyê Abdullah Ocalan e

	 

	Hate zanîn ku sedema binçavkirina Sebahat Tuncel ew e ku destûr nedaye polîs posterê Rêberê Gelê Kurd Abdullah Ocalan a li qadê hatî vekirin, bê daxistin. Hate ragihandin ku dê Sabahat Tuncel bibin kontrola tenduristiyê û piştre jî li Midûriyeta Polîsan a Watanê îfadeya wê bê girtin.