
Li Mêrdînê ji ber barîna zêde du avahî hilweşiyan

2026-03-20 15:55:28


	&nbsp;

	MÊRDÎN - Li Mêrdînê ji ber barîna zêde, du avahî hilweşiyan.&nbsp;

	&nbsp;

	Ji şevê din ve li Mêrdînê barîneke zêde dibare. Ji ber barîna zêde, li navçeya &nbsp;Nisêbînê yek û li navçeya Midyadê jî avahiyek hilweşiya. Li gorî agahiyan, bûyera ewil li Taxa Akçakaya ya navçeya Midyadê qewimî. Di avahiya ku dayikek û du zarokên xwe yên biçûk tê de dijiyan, ji ber barana zêde hilweşiyan. Dayik û du zarokên wê dema li odeyê radizan, bi saxî rizgar bûn. Komên agirkujî û tenduristiyê sewqî cihê bûyerê hatin kirin. Di lêkolîna cihê bûyerê de hate zanîn ku rewşa dayikê û du zarokên wê baş e.&nbsp;

	&nbsp;

	Bûyera din jî li Taxa Selahattîn Eyyubî ya li navçeya Nisêbînê qewimî. Ji ber barîna zêde, banê avahiyekî tebiqî. Hat zanîn ku tu kes li malê nebû û der heqê bûyerê de lêpirsîn hate destpêkirin. &nbsp; &nbsp; &nbsp;