
Li Çemçemalê peykerê ‘Kezî’ hate danîn 

2026-01-29 13:46:05


	&nbsp;

	NAVENDA NÛÇEYAN - Li Peymangeha Hunerên Ciwankariyê ya Çemçemalê di çarçoveya piştevaniya ji bo Rojavayê Kurdistanê de, peykerek 5 metreyî ya &nbsp;‘Kezî’ hate danîn.

	&nbsp;

	Çalakî û xwepêşandanên di çarçoveya piştgiriya ji bo berxwedana Rojavayê Kurdistanê de, li Başûrê Kurdistanê berdewam in. Li bajarokê Çemçemalê yê ser bi parêzgeha Silêmaniyê, çalakiyek piştgiriyê hate lidarxistin.

	&nbsp;

	Li peymangeha Hunerên Ciwankariyê ya Çemçemalê bi amadebûna berpirsên perwerdeyê û xwendekaran rêzeçalakiyên hunerî ji bo piştgiriya berxwedana Rojava hatin lidarxistin.

	&nbsp;

	Rêzeçalakî bi deqeyek rêzgirtin ji bo giyanê cangoriyên berxwedana Rojava û bi xwendina Sirûda Neteweyî ‘Ey Reqîb’ destpê kir.

	&nbsp;

	Di heman çarçoveya rêzeçalakiyan de, peykerek 5 metreyî ji aliyê xwendekarên peymangehê ve ji keziyê hate çêkirin. Ji aliyê Rêveberê Perwerdeya Çemçemalê Qasim Elî û Rektorê Peymangeha Hunerên Ciwankariyê ya Çemçemalê Dara Elî ve perde li ser peyker hate rakirin.

	&nbsp;