Heyeta Rojava bi cigirê serokwezîrê Îngîlîstanê re hevdîtin kir 

2026-01-23 00:03:18


	 

	NAVENDA NÛÇEYAN - Cîgirê Serokwezîrê Îngîlîstanê David Lammy bi heyeta Rojava re civiya û der barê geşedanên dawî yên li Rojava û êrîşên li ser Kurdan de agahî girt.

	 

	Li paytexta London a Îngilistanê, Cîgirê Serokwezîrê Îngilistanê David Lammy, di bernameyeke ku ji aliyê Partiya Karkeran a hikûmeta Îngilistanê hate lidarxistin, bi heyeta Rojava re civiya.

	 

	Hevberdevka Komîsyona Têkiliyên Derve ya DEM Partiyê Ebru Gunay jî di hevdîtinê de cih girt. Şandeya Rojava derbarê geşedanên dawî yên li Rojava û êrîşên artêşa Sûriyeyê ya li ser Kurdan de agahî da David Lammy. David Lammy, piştî şande guhdar kir tu daxuyanî neda, lê not girt.

	 

	Seroka Giştî ya Partiya Karkeran Anna Turley, parlamenter Florene Eshalomî û Marsha De Cordova jî di nav de gelek siyasetmedar tevlî civînê bûn.