
Roja Gulîstan Doku winda bû Çagdaş Ozdemîr û emniyet li pey bûn

2026-05-16 15:14:28


	&nbsp;

	Semra Turan&nbsp;

	&nbsp;

	NAVENDA NÛÇEYAN - Derket holê ku roja Gulîstan Doku winda bû, Serbijîşkê Nexweşxaneya Dewletê ya Dêrsimê û Mudurê Tendirustiyê yê Bajêr yê berê Çagdaş Ozdemîr û du wesayîtên polîsan &nbsp;li pey wê bûne.

	&nbsp;

	Xwendekara Zanîngeha Munzur a Dêrsimê Gulîstan Doku, di 5'ê Çileya 2020'an de winda bû. Her çend şeş sal in Gulîstan Doku nayê dîtin jî di çarçoveya lêpirsîna nû de di meha Nîsanê de girtin û binçavkirin pêk hatin. 17 kes hatin binçavkirin û 12 kes hatin girtin.

	&nbsp;

	Di nav kesên hatine binçavkirin û girtin de Serbijîşkê Nexweşxaneya Dewletê ya Dêrsimê û Mudurê Tendirustiyê yê Berê &nbsp;Çagdaş Ozdemîr jî hebû.

	&nbsp;

	Derket holê ku Çagdaş Ozdemîr berî ku Gulîstan Doku winda bibe ji cihê berê ku Gulîstanê destnîşan kiribû derbas bûye. &nbsp;

	&nbsp;

	Her wiha rapor destnîşan dike ku du wesayîtên polîsan jî wesayîta Çagdaş Ozdemir li pişt dişopandin. Rapor eşkere dike ku Çahdaş Ozdemîr û du wesayîtên polîsan wê rojê li pey Gulistan Doku bûnr.

	&nbsp;

	Ji aliyê din ve, îfadeya Erkan Ataş, şahidê dawî yê ku Gülistan Doku dîtiye jî nîşan dide ku Çagdaş Ozdemir bi wesayîta xwe berî bi du deqeyan ji wir derbas bûye.

	&nbsp;